சென்னையில் 4வது நாளாக சதமடித்த வெயில்!

சென்னையில் தொடர்ந்து 4வது நாளாக 100 டிகிரி பாரன்ஹீட்டுக்கும் அதிகமான வெப்பம் பதிவாகியுள்ளது. 

தமிழகத்தில் கடந்த சில நாள்களாக கோடை வெப்பம் அதிகரித்து வருகிறது. சென்னை, வேலூர் போன்ற இடங்களில் அதிகபட்ச வெப்பநிலையும் பதிவாகிவருகிறது.

இந்நிலையில் சென்னையில் தொடர்ந்து 4வது நாளாக 100 டிகிரி பாரன்ஹீட்டுக்கும் அதிகமான வெப்பநிலை பதிவாகியுள்ளது.

சென்னை மீனம்பாக்கத்தில் 103 டிகிரி பாரன்ஹீட், நுங்கம்பாக்கத்தில் 99 டிகிரி பாரன்ஹீட் வெப்பம் பதிவாகியுள்ளது.

தமிழகத்தில் அதிகபட்சமாக வேலூர், திருத்தணியில் தலா 107 டிகிரி பாரன்ஹீட் வெப்பம் பதிவாகியுள்ளது. அதற்கு அடுத்தபடியாக காஞ்சிபுரத்தில் 106 டிகிரி பாரன்ஹீட் வெப்பமும், மதுரையில் 105 டிகிரி பாரன்ஹீட், திருச்சி 103 டிகிரி பாரன்ஹீட், சேலம், தருமபுரி மாவட்டங்களில் தலா 100 டிகிரி பாரன்ஹீட் வெப்பம் பதிவாகியுள்ளது.