சென்னை: நீலகிரியில் ரூ.25.14 கோடியில் வரையாடு திட்டத்தை முதல்வர் மு.க.ஸ்டாலின் வியாழக்கிழமை(அக்.12) தொடங்கி வைக்கிறார்.
தமிழ்நாடு மாநில விலங்கான வரையாடு அழிந்து வரும் உயிரினமாக இயற்கை பாதுகாப்பான பன்னாட்டு அமைப்பால் வகைப்படுத்தப்பட்டுள்ளது.
இந்த வரையாடு இனத்தைப் பாதுகாக்கவும், அதன் வழங்விடங்களை மேம்படுத்துவதற்காக, நாட்டிலேயே முதல்முறையாக நீலகிரி வரையாடு திட்டத்தை ரூ.25.14 கோடி மதிப்பீட்டில் செயல்படுத்த தமிழ்நாடு அரசு ஆணை பிறப்பித்துள்ளது.
இதையும் படிக்க | அமித் ஷாவுடன் சந்திரபாபு நாயுடுவின் மகன் சந்திப்பு!
அதன்படி, ஆண்டுதோறும் அக்டோபர் 7 ஆம் தேதி வரையாடு நாள் என அனுசரித்து மக்களிடையே விழிப்புணர்வை ஏற்படுத்த நடவடிக்கை எடுக்கப்படும் என தமிழ்நாடு அரசு தெரிவித்தது.
இந்த நிலையில், வனத்துறை சார்பில் வியாழக்கிழமை தலைமைச் செயலகத்தில் நடைபெறும் நிகழ்ச்சியில் நீலகரி வரையாடு திட்டத்தை முதல்வர் மு.க.ஸ்டாலின் தொடங்கி வைக்கிறார்.