தங்கம் விலை குறைவு: எவ்வளவு?

சென்னையில் தங்கம் விலை சவரனுக்கு ரூ.232 குறைந்து விற்பனை செய்யப்படுகின்றது.

தங்கத்தின் விலை கடந்த ஒரு மாதமாக ஏற்ற இறங்களைக் கண்டு வந்த நிலையில், திடீரென ஒரு வாரமாக அதிரடியாக உயர்ந்துள்ளது.

அதன்படி, சென்னையில் புதன்கிழமை(நவ.1) காலை நிலவரப்படி 22 காரட் ஆபரணத் தங்கத்தின் விலை கிராமுக்கு ரூ.29 குறைந்து ரூ.5,686-க்கும், சவரனுக்கு ரூ.232 குறைந்து ரூ.45,488-க்கும் விற்பனை செய்யப்படுகிறது.

முன்னதாக நேற்று ஒரு கிராம் ரூ.5,715-க்கும், ஒரு சவரன் ரூ.45,720-க்கும் விற்பனை செய்யப்பட்டது.

இதையும் படிக்க | நவம்பர் மாத பலன்கள் (மேஷம் - கன்னி)

அதேபோன்று, வெள்ளி விலை சற்று குறைந்துள்ளது. ஒரு கிராம் ரூ.1.20 குறைந்து ரூ.77.00-க்கும், ஒரு கிலோ (கட்டி வெள்ளி) ரூ.1,200 குறைந்து ரூ.77,000-க்கும் விற்பனையாகிறது.