சென்னை - நாகா்கோவில், கொச்சுவேலி வாராந்திர ரயில்கள் நீட்டிப்பு

கோடை விடுமுறையொட்டி, சென்னை - நாகா்கோவில், கொச்சுவேலி செல்லும் விரைவு மற்றும் அதிவிரைவு ரயில்கள் மே 2 முதல் மே 30 வரை நீட்டிக்கப்படுகின்றன.

இது குறித்து தெற்கு ரயில்வே சாா்பில் வெளியிடப்பட்ட செய்திக் குறிப்பு:

நாகா்கோவிலிருந்து வாரந்தோறும் ஞாயிற்றுக்கிழமைகளில் மாலை 4.35 மணிக்கு தாம்பரத்துக்கு புறப்படும் வாராந்திர சிறப்பு ரயிலும் (எண்: 06012), மறுமாா்க்கமாக தாம்பரத்திலிருந்து வாரந்தோறும் திங்கள்கிழமைகளில் காலை 7.45 மணிக்கு நாகா்கோவில் செல்லும் ரயிலும் (எண்: 06011) மே 5 முதல் மே 27-ஆம் தேதி வரை நீட்டிக்கப்படுகிறது.

மேலும், நாகா்கோவிலிருந்து வாரந்தோறும் ஞாயிற்றுக்கிழமைகளில் மாலை 5.45 மணிக்கு சென்னை சென்ட்ரலுக்கு புறப்படும் வாராந்திர சிறப்பு அதிவிரைவு ரயில்கள் (எண்: 06019, 06021) மே 5 முதல் மே 26-ஆம் தேதி வரை நீட்டிக்கப்படும்.

மறுமாா்க்கமாக சென்ட்ரலிலிருந்து வாரந்தோறும் திங்கள்கிழமைகளில் பிற்பகல் 3.10 மணிக்கு நாகா்கோவிலுக்கு செல்லும் ரயில்கள் (எண்: 06020, 06022) மே 6 முதல் மே 20 மற்றும் 27 வரை நீட்டிக்கப்படும்.

சென்ட்ரல் - கொச்சுவேலி: சென்னை சென்ட்ரலிலிருந்து வாரந்தோறும் புதன்கிழமைகளில் பிற்பகல் 3.45 மணிக்கு கொச்சுவேலி செல்லும் சிறப்பு அதிவிரைவு ரயிலும் (எண்: 06043), மறுமாா்க்கமாக வாரந்தோறும் வியாழக்கிழமைகளில் மாலை 6.25 மணிக்கு கொச்சுவேலியிலிருந்து சென்ட்ரல் வரும் ரயிலும் (எண்: 06044) மே 1 முதல் மே 30-ஆம் தேதி வரை நீட்டிக்கப்படுகிறது எனத் தெரிவிக்கப்பட்டுள்ளது.