செய்தி மடல்
இ-பேப்பர்
திமுக வலிமையுடன் இருப்பதாகவும், 2026ஆம் ஆண்டு திமுக வெற்றி பெற்று ஆட்சி அமைக்கும் எனவும் முதல்வர் மு.க. ஸ்டாலின் தெரிவித்தார்.
சென்னை தேனாம்பேட்டையில் உள்ள அண்ணா அறிவாலயத்தில் திமுக செயற்குழு கூட்டம் இன்று (டிச. 22) நடைபெற்றது.
இதில் மு.க. ஸ்டாலின் பேசியதாவது,
''திமுக கூட்டணி குறித்து எதிர்க்கட்சிகள் தப்புக்கணக்கு போடுகின்றன; திமுக கூட்டணி கொள்கைக் கூட்டணி. பலரும் போடுகிற அரசியல் கணக்கு எல்லாம் விரைவில் தப்புக்கணக்கு ஆகும்.
ஓயாமல் உழைக்கும் நமக்கு, உற்சாகம் தருவது தொடர் வெற்றிகள்தான். தமிழகத்தை பின்னுக்குத்தள்ள வேண்டும் என்று பாஜக நெருக்கடி தருகிறது.
எவ்வளவு நெருக்கடியில் ஆட்சிக்கு வந்தாலும் அதனைக் கடந்து தமிழகத்தை முன்னேற்றிக்கொண்டிருக்கிறோம்.
இந்தியாவில் எந்த மாநில அரசும் இந்த அளவுக்கு திட்டங்களை நிறைவேற்றவில்லை. ஒருநாள் முழுக்க பட்டியல் போடும் அளவுக்கு திட்டங்கள் உள்ளன.
திமுக ஆட்சி அமைந்ததில் இருந்து மக்கள் நலத் திட்டங்களை செய்து வருகிறோம். பதவிகளுக்காக கொள்கைகளில் சமரசம் செய்யாமல் ஆட்சிக்கு வந்துள்ளோம்.
களப்பணிகளுக்கு தொண்டர்களை தயார்படுத்த வேண்டிய பணி, செயற்குழு உறுப்பினர்களுடையது.
75 ஆண்டுகள் கடந்தும் திமுக வலிமையோடு இருக்கிறது, 2026-ல் வெல்லப் போவது திமுக கூட்டணிதான்'' எனக் குறிப்பிட்டார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
