யார் வேண்டுமானாலும் கட்சி தொடங்கலாம்... உதயநிதி!

நடிகர் விஜய்யின் மக்கள் பணி சிறக்கப்பட்டும் என தமிழக விளையாட்டுத் துறை அமைச்சர் உதயநிதி ஸ்டாலின் தெரிவித்துள்ளார். 

தமிழக வெற்றி கழகம் என்ற பெயரில் நடிகர் விஜய் அரசியல் கட்சியை பதிவு செய்துள்ளார். தேர்தல் ஆணையத்தில் இதற்கான அங்கீகாரம் கிடைத்ததும் கட்சின் கொடி மற்றும் சின்னம் அறிவிக்கப்படும் எனத் தெரிவித்துள்ளார்.  

விஜய் அரசியலுக்கு வருவாரா? என்ற கேள்வி பலரிடையே நிலவிவந்த நிலையில், இதன்மூலம் தனது அரசியல் பிரவேசத்தை அதிகாரப்பூர்வமாக அறிவித்துள்ளார். 

படிக்க | அரசியல் ஏன்? நடிகர் விஜய் விளக்கம்

அரசியல் கட்சி தொடங்கியுள்ள நடிகர் விஜய்க்கு பல்வேறு தரப்பிலிருந்து வாழ்த்துகள் குவிந்து வருகின்றன. அரசியல் கட்சியை சேர்ந்த பலரும் நடிகர் விஜய்யின் இந்த செயல் குறித்து கருத்து தெரிவித்து வருகின்றனர். 

இதனிடையே இது குறித்து பேசிய அமைச்சர் உதயநிதி, நடிகர் விஜய்யின் மக்கள் பணி சிறக்கட்டும். புதிய கட்சியை தொடங்கிய நடிகர் விஜய்க்கு எனது பாராட்டுகளைத் தெரிவித்துக்கொள்கிறேன். இந்தியா ஜனநாயக நாடு. இதில் யார் வேண்டுமானாலும் அரசியல் கட்சி தொடங்கலாம் எனக் குறிப்பிட்டுள்ளார்.