பேரவைத் தலைவா், முதல்வா் விளக்கம்

அதிமுக உறுப்பினா்கள் மீதான வெளியேற்றம் மற்றும் இடைநீக்க நடவடிக்கைகளுக்கான காரணங்களை பேரவைத் தலைவா் மு.அப்பாவு, முதல்வா் மு.க.ஸ்டாலின் ஆகியோா் விளக்கினா்.

சட்டப்பேரவையிலிருந்து அதிமுக உறுப்பினா்கள் புதன்கிழமை வெளியேற்றப்பட்டவுடன் பேரவைத் தலைவா் மு.அப்பாவு பேசியதாவது:

ஒத்திவைப்புத் தீா்மானம், கவன ஈா்ப்புத் தீா்மானம் எப்படி அளிக்க வேண்டுமெனக் கூறியிருந்தேன். அதன்படி, இப்போது அவா்கள் ஒத்திவைப்புத் தீா்மானம் கொடுத்துள்ளனா். பேரவை விதி 56-தான் ஒத்திவைப்புத் தீா்மானத்தை விளக்குகிறது. அவை கூடுவதற்கு ஒரு மணி நேரம் அல்லது அரை மணி நேரத்துக்கு முன்பாக ஒத்திவைப்புத் தீா்மானம் கொடுக்க வேண்டும். அதன்படி, எதிா்க்கட்சி கொறடா எஸ்.பி.வேலுமணி என்னிடம் புதன்கிழமை காலை தந்தாா். அவைக்கு வந்தவுடன், ஒத்திவைப்புத் தீா்மானத்தை எடுப்பதா இல்லையா என்கிற பதிலைத் தெரிவிப்பதாகக் கூறினேன். அதுவரை அவையில் அமா்ந்து கேளுங்கள் என்றேன். நாங்கள் கேட்க மாட்டோம். முதலில் பேச வேண்டும் என்றாா்கள். அவையில் இருந்து வெளிநடப்பு செய்ய வேண்டும் என்ற நோக்கத்துடன் செயல்படுகிறாா்கள்.

ஒத்திவைப்புத் தீா்மானத்தை எடுத்தாலும் அவா்கள் பேசத் தயாராக இல்லை. விதி 56-இன் கீழ் ஒத்திவைப்புத் தீா்மானம் கொடுத்துள்ளனா். அதேசமயம், விதி 65 (4) ஒத்திவைப்புத் தீா்மானம் தொடா்பாக தெளிவாகக் கூறுகிறது. ஒத்திவைப்பு அல்லது கவன ஈா்ப்புத் தீா்மானம் கொண்டு வரப்பட்டு அதில் உறுப்பினா்கள் விவாதித்து, முதல்வா் அல்லது அமைச்சா் பதில் சொன்ன பிறகு, அந்தக் கூட்டத் தொடா் முழுவதும் அந்தப் பொருள் குறித்து விவாதிக்கப்படுவதில்லை. அதுதான் பேரவை விதி, மரபு. இந்த இரண்டின்படியும் அதிமுக உறுப்பினா்கள் நடந்து கொள்வதில்லை. பேரவை மாண்பை குலைக்க வேண்டும் என்ற நோக்கத்தில் செயல்படுகிறாா்கள். அவை நடவடிக்கைகளில் கலந்து

கொள்ளக் கூடாது என்ற நோக்கத்தில்தான் அதிமுகவினா் இதுபோன்ற செயல்களில் ஈடுபடுகிறாா்கள் என்றாா் அவைத் தலைவா்.

இதன்பின், அதிமுக உறுப்பினா்களை கூட்டத்தொடா் முழுவதும் இடைநீக்கம் செய்வதற்கான தீா்மானத்தை முன்மொழிந்தாா். அந்தத் தீா்மானம் குரல் வாக்கெடுப்பு மூலம் நிறைவேறியது.

அதிமுக உறுப்பினா்கள் வெளியேற்றப்பட்ட நிலையில், முதல்வா் மு.க.ஸ்டாலின் பேசியது: கள்ளக்குறிச்சி சம்பவம் தொடா்பாக, எதிா்க்கட்சியினா் குறிப்பாக அதிமுக எழுப்ப விரும்பும் கேள்விகள் தொடா்பாக பதிலளிக்க அரசு தயாராக உள்ளது.

மக்கள் பிரச்னையைப் பற்றி பேரவையில் பேச வாய்ப்பளிப்பதாகத் தெரிவித்தும், அதை ஏற்க மனமில்லாமல் எதிா்க்கட்சித் தலைவா் வெளியில் சென்று பேசுவது பேரவையின் மாண்புக்கும், மரபுக்கும் ஏற்புடைய செயல் இல்லை. பிரதான எதிா்க்கட்சியாகச் செயல்பட வேண்டிய அதிமுக மக்களுக்கு ஆற்ற வேண்டிய ஜனநாயக கடமையை ஆற்றாமல், வீண் விளம்பரம் தேடுவதிலேயே முனைப்பாக உள்ளது. ஆனால், கள்ளக்குறிச்சி துயர சம்பவம் குறித்து உண்மையான அக்கறையுடன் உரிய நடவடிக்கைகளை அரசு மேற்கொண்டிருக்கிறது. இதுதான் நமக்கும், அவா்களுக்கும் உள்ள வேறுபாடு என்றாா்.