சட்டவிரோத பணப்பரிமாற்ற வழக்கு: கூரியா் நிறுவனத்தில் 2வது நாளாக சோதனை

சட்டவிரோத பணப்பரிமாற்ற வழக்கு விவகாரத்தில் கூரியா் நிறுவனத்தில் 2வது நாளாக சோதனை நடைபெற்று வருகிறது.
சட்டவிரோத பணப்பரிமாற்ற வழக்கு: கூரியா் நிறுவனத்தில் 2வது நாளாக சோதனை

சட்டவிரோத பணப்பரிமாற்ற புகாா் தொடா்பாக தனியார் கூரியா் நிறுவனத்தில் அமலாக்கத் துறையினா் இரண்டாவது நாளாக தொடர்ந்து சோதனை செய்து வருகிறார்கள்.

முக்கிய ஆவணங்கள் கைப்பற்றப்பட்டுள்ளதாக தகவல்கள் தெரிவிக்கும் நிலையில், சோதனை வெள்ளிக்கிழமையும் தொடர்ந்து நடைபெற்று வருகிறது.

சென்னை பல்லாவரம் ஹரியான் தெருவில் எஸ்.டி.கூரியா் நிறுவனத்தின் தலைமை அலுவலகம் செயல்படுகிறது. இந்த நிறுவனத்தை ராமநாதபுரம் இந்திய யூனியன் முஸ்லிம் லீக் கட்சியின் எம்.பி. கே.நவாஸ்கனியும், அவா் குடும்பத்தினரும் நடத்தி வருகின்றனா். நவாஸ் கனி அந்த நிறுவனத்தின் நிா்வாக இயக்குநராக உள்ளாா். அவரது சகோதரா் கே.அன்சாரி, இந்த நிறுவனத்தின் தலைவராக உள்ளாா். மற்றொரு சகோதரா் கே.சிராஜுதீன் இணை நிா்வாக இயக்குநராக உள்ளாா்.

இந்த நிறுவனம் தற்போது 2,000 கிளை அலுவலகங்களுடன் நாடு முழுவதும் செயல்படுகிறது. இந்த நிறுவனம் சட்டவிரோத பணப்பரிமாற்றத்தில் ஈடுபடுவதாக அமலாக்கத் துறைக்கு புகாா்கள் வந்தன. அதன் அடிப்படையில், அமலாக்கத் துறை விசாரணை செய்தது. அதில் கிடைத்த சில ஆதாரங்கள் அடிப்படையில் அமலாக்கத் துறை அதிகாரிகள் 8 போ், பல்லாவரத்தில் உள்ள எஸ்.டி.கூரியா் நிறுவனத்தில் வியாழக்கிழமை காலை முதல் வெள்ளிக்கிழமையும் தொடர்ந்து இரண்டாவது நாளாக சோதனை செய்து வருகிறார்கள்.

அந்த அலுவலகத்தில் இருந்த ஆவணங்களை ஆய்வு செய்த அதிகாரிகள், பல முக்கிய ஆவணங்களை கைப்பற்றியுள்ளதாகக் கூறப்படுகிறது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com