பள்ளி, கல்லூரிகள் இன்று செயல்படும்

தமிழகம் முழுவதும் பள்ளி, கல்லூரிகள் மற்றும் அரசு அலுவலகங்கள் ஆகியவை சனிக்கிழமை (நவ.9) செயல்படவுள்ளன.

தீபாவளி பண்டிகையையொட்டி, வேலை நாளான நவ. 1-ஆம் தேதி விடுமுறை அறிவிக்கப்பட்டது. இந்த விடுமுறையை ஈடு செய்யும் வகையில் மாநிலம் முழுவதும் உள்ள பள்ளி, கல்லூரிகள் மற்றும் அரசு அலுவலகங்கள் ஆகியன நவ.9-இல் செயல்படும் என்றும் தெரிவிக்கப்பட்டது.

இதன்படி, தமிழகம் முழுவதும் உள்ள பள்ளி, கல்லூரிகள், அரசு அலுவலகங்கள் ஆகியன சனிக்கிழமை இயங்கும்.