முன்னதாக பதிவு செய்யப்பட்ட விஜய்யின் தமிழக வெற்றிக் கழகத்துக்கு அரசியல் கட்சிக்கான சட்டப்பூர்வமான அனுமதியை இந்திய தேர்தல் ஆணையம் வழங்கியுள்ளது
இதையொட்டி தமிழகம் முழுவதும் கொண்டாட்டங்களை ஏற்பாடு செய்ய த.வெ.க. பொதுச்செயலர் புஸ்ஸி ஆனந்த் வாய்மொழி உத்தரவு பிறப்பித்துள்ளார். தமிழக வெற்றிக் கழகத்துக்கு அங்கீகாரம் கோரி கடந்த பிப்ரவரியில் தேர்தல் ஆணையத்தில் பதிவு செய்திருந்தனர்.
இந்த நிலையில், தமிழக வெற்றிக் கழகத்துக்கு அரசியல் கட்சிக்கான சட்டப்பூர்வமான அனுமதியை இந்திய தேர்தல் ஆணையம் வழங்கியுள்ளது. இதற்கான அறிவிப்பை நடிகர் விஜய் முறையாக அறிவிப்பார் என்று எதிர்பார்க்கப்படுகிறது.
ஏற்கெனவே தமிழக வெற்றிக் கழகத்தின் முதல் மாநாடு தேதி குறித்த அறிவிப்பை அதன் தலைவரும் நடிகருமான விஜய் நாளை அறிவிப்பார் என தகவல் வெளியாகியிருந்த நிலையில் தற்போது விஜய் ரசிகர்களுக்கு மேலும் ஒரு மகிழ்ச்சி செய்தி கிடைத்திருக்கிறது.
தமிழக வெற்றிக் கழகம் என்ற பெயரில் அரசியல் கட்சியை நடிகர் விஜய் தொடங்கிய நிலையில், ஆகஸ்ட் 22-ஆம் தேதி கட்சிக் கொடியையும், கொடிப் பாடலையும் அறிமுகம் செய்து வைத்து பேசினார்.
அப்போது கட்சியின் முதல் மாநாடு விரைவில் நடத்தப்படும், அதற்கான விவரம் பின்னர் அறிவிக்கப்படும் என்றும் தெரிவித்திருந்தார் என்பது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.
