பாம்பன் பாலத்திலிருந்து கடலில் குதித்த பயணிகள்! ஒருவர் பலி!திமுக ஆட்சியில் பதியப்பட்ட வழக்குகள் ரத்து! 92,000 விவசாயிகள், ஆசிரியர்கள் விடுவிப்பு!அக்வான் புயல் எங்கே கரையைக் கடக்கும்? வெளியான அதிர்ச்சித் தகவல்!கோவை சூலூர் சிறுமி கொலை வழக்கில் தீர்ப்பு ஒத்திவைப்பு முன்னாள் எம்.எல்.ஏ. முத்துக்குமாருக்கு நவ. 16 வரை நீதிமன்றக் காவல்! ஐசிசி தலைவராக மீண்டும் ஜெய் ஷா தேர்வு!ஜார்க்கண்ட் நிலக்கரிச் சுரங்கம்!அபாயத்தில் 6 லட்சம் மரங்களும் யானைகள் வாழ்விடமும்!!மதுரை நகைக் கடை திருட்டு! நிஷாந்த் கைதானது எப்படி? பேருந்து ஓட்டுநரின் சந்தேகம்!குற்றவாளிகளின் ‘ஹோல்சேல்’ கூடாரமாக தவெக! மு.க. ஸ்டாலின்மதுரை நகைக் கடை திருட்டு! நிஷாந்த் கைதானது எப்படி? பேருந்து ஓட்டுநரின் சந்தேகம்!மதுரை நகைக் கடை கொள்ளை வழக்கு: நிஷாந்த் கைது

திரிபுரா உள்ளாட்சித் தேர்தல்! மத்தியப் படைகளைக் கோரும் தேர்தல் ஆணையம்!

பாதுகாப்புப் பணியில் மத்திய ஆயுதப் படைகளைக் களமிறக்கத் கோரிக்கை விடுத்துள்ள பற்றி..

Tripura poll

மத்திய பாதுகாப்புப் படையினர் - file photo

Updated On :

திரிபுராவில் நவம்பர் 27ல் நடைபெறவுள்ள உள்ளாட்சித் தேர்தலை முன்னிட்டு, பாதுகாப்பைப் பலப்படுத்தும் நோக்கில் மத்திய ஆயுதக் காவல் படையினரை பணியமர்த்த ஏற்பாடு செய்யுமாறு தேர்தல் ஆணையம் திரிபுரா அரசிடம் கோரிக்கை விடுத்துள்ளது.

அகர்தலா மாநகராட்சி உள்பட மாநிலத்திலுள்ள 16 நகர்ப்புற உள்ளாட்சி அமைப்புகளுக்கான தேர்தல் நவம்பர் 27-ஆம் தேதி நடைபெறவுள்ளது. வாக்கு எண்ணிக்கை டிசம்பர் 3-ஆம் தேதி நடைபெறும்.

மாநிலத்திலுள்ள மொத்தம் 21 நகர்ப்புற உள்ளாட்சி அமைப்புகளில், 5 இடங்களில் பாஜக ஏற்கெனவே போட்டியின்றி வெற்றி பெற்றுள்ளது.

உள்ளாட்சித் தேர்தலை முன்னிட்டு பாதுகாப்புச் சூழலை முழுமையாக ஆய்வு செய்த பிறகு, தேர்தலின்போது போதுமான பாதுகாப்பை உறுதிசெய்ய 25 கம்பெனி மத்திய ஆயுதக் காவல் படையினரை மாநிலக் காவல் துறை அதிகாரிகள் கோரியுள்ளனர்.

இதனைத் தொடர்ந்து, மத்திய அரசிடம் இதுகுறித்துப் பேசுமாறு மாநில அரசிடம் நாங்கள் கோரிக்கையை முன்வைத்துள்ளதாக மாநிலத் தேர்தல் ஆணையச் செயலாளர் அனுராக் சென் தெரிவித்தார்.

இதுதொடர்பாக அவர் கூறுகையில்,

மாநிலக் காவல் துறை, திரிபுரா மாநிலத் துப்பாக்கிப் படை மீது மட்டுமே முழுமையாகச் சார்ந்திருக்காமல், மத்திய ஆயுதக் காவல் படையின் உதவியுடன் பாதுகாப்பைப் பலப்படுத்த தேர்தல் ஆணையம் விரும்புவதாக அவர் கூறினார்.

தேர்தல் பணியில் ஈடுபட்டுள்ள ஊழியர்கள் தங்கள் வாக்குரிமையைப் பயன்படுத்த ஏதுவாக, தேர்தல் பணி வாக்குப்பதிவு முறைக்கு ஆணையம் ஏற்பாடு செய்துள்ளது.

இந்த வசதியின் மூலம், தேர்தல் பணிகளில் ஈடுபட்டுள்ள நிர்வாக அதிகாரிகள், காவல் துறையினர், திரிபுரா மாநிலத் துப்பாக்கிப் படை வீரர்கள் மற்றும் பல்வேறு அரசுத் துறை ஊழியர்கள் பயனடைவார்கள்.

தேர்தல் பணிகளில் ஈடுபட்டுள்ள கேமராமேன்கள் மற்றும் வாகன ஓட்டிகளும் இந்த சிறப்பு ஏற்பாட்டின் மூலம் வாக்களிக்க முடியும்.

தேர்தல் செயல்முறையைக் கண்காணிப்பதற்காக 18 பார்வையாளர்களை ஆணையம் நியமித்துள்ளது. இந்த உள்ளாட்சித் தேர்தல்களில் மின்னணு வாக்குப்பதிவு இயந்திரங்கள் பயன்படுத்தப்படும்.

இந்த மின்னணு வாக்குப்பதிவு இயந்திரங்களைத் தயார் செய்யும் பணி நவம்பர் 18 முதல் 20-ஆம் தேதி வரை நடைபெறும் என்று அவர் தெரிவித்தார்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.