கேலோ இந்தியா விளையாட்டுப் போட்டிகள்: சென்னையில் பிரதமா் இன்று தொடக்கம்

தமிழகத்தில் கேலோ இந்தியா விளையாட்டுப் போட்டிகளை பிரதமா் நரேந்திர மோடி வெள்ளிக்கிழமை (ஜன.19) தொடங்கி வைக்கிறாா்.

ஜன.31 வரை...: கேலோ இந்தியா விளையாட்டுப் போட்டிகள் வரும் 31-ஆம் தேதி வரை சென்னை, திருச்சி, கோவை, மதுரை ஆகிய நகரங்களில் நடைபெறுகின்றன. இதற்கான தொடக்க விழா நிகழ்ச்சி, சென்னை நேரு விளையாட்டரங்கில் நடைபெற உள்ளது. இந்த விழாவில் தமிழக ஆளுநா் ஆா்.என்.ரவி, முதல்வா் மு.க.ஸ்டாலின் ஆகியோா் முன்னிலை வகிக்கின்றனா்.

அனுராக் சிங் தாக்குா், உதயநிதி ஸ்டாலின்...: மத்திய இளைஞா் விவகாரம் மற்றும் விளையாட்டுத் துறை அமைச்சா் அனுராக் சிங் தாக்குா், மத்திய இணையமைச்சா் நிசித் பிரமாணிக், தமிழக இளைஞா் நலன் மற்றும் விளையாட்டு மேம்பாட்டுத் துறை அமைச்சா் உதயநிதி ஸ்டாலின் உள்ளிட்டோா் விழாவில் பங்கேற்கின்றனா்.

போட்டிகள் என்னென்ன?: கேலோ இந்தியா விளையாட்டுப் போட்டியில் பல்வேறு வகையான விளையாட்டுகள் இடம்பெற்றுள்ளன. கால்பந்து, கபடி, கைப்பந்து, ஜூடோ, பளு தூக்குதல், வில்வித்தை, குத்துச்சண்டை, பூப்பந்தாட்டம், டேபிள் டென்னிஸ், சைக்கிள், ஜிம்னாஸ்டிக், நீச்சல், ஹாக்கி, டென்னிஸ், துப்பாக்கிச்சுடுதல், யோகா, மல்யுத்தம் உள்ளிட்ட விளையாட்டுப் போட்டிகள் இடம்பெற்றுள்ளன.

காட்சி விளையாட்டுகள்: கேலோ இந்தியா விளையாட்டுப் போட்டியில் சிலம்பம் உட்பட மொத்தம் 27 விளையாட்டுகள் காட்சி விளையாட்டுகளாக இடம்பெற்றுள்ளன என்று தமிழக அரசு தெரிவித்துள்ளது.

பலத்த பாதுகாப்பு: பிரதமா் மோடியின் மூன்று நாள்கள் பயணத்தை முன்னிட்டு சென்னை, திருச்சி, ராமேசுவரம், மதுரை ஆகிய இடங்களில் பலத்த பாதுகாப்பு ஏற்பாடுகள் செய்யப்பட்டுள்ளன. சென்னையில் மட்டும் பிரதமரின் பாதுகாப்புக்காக சுமாா் 10,000 போலீஸாா் குவிக்கப்பட்டுள்ளனா். ட்ரோன்கள் பறக்க தடை விதிக்கப்பட்டுள்ளது.

திருச்சியில் ஐந்து அடுக்கு பாதுகாப்புக்கு ஏற்பாடு செய்யப்பட்டுள்ளது. ஸ்ரீரங்கம் பகுதி மக்களுக்கு பல்வேறு கட்டுப்பாடுகள் விதிக்கப்பட்டுள்ளதுடன், அடையாள அட்டை உள்ளவா்கள் மட்டுமே கோயில் மற்றும் சுற்றுப் பகுதிகளில் அனுமதிக்கப்பட உள்ளனா். பிரதமரின் வருகையையொட்டி, மன்னாா் வளைகுடா, பாக் நீரிணை கடல் பகுதியில் மூன்றடுக்கு பாதுகாப்புக்காக கடற்படைக் கப்பல்கள் நிறுத்தப்பட்டுள்ளன.

ஆளுநா் மாளிகையில் ஆலோசனை?

கேலோ இந்தியா விளையாட்டுப் போட்டிகளைத் தொடங்கி வைத்த பிறகு, கிண்டியில் உள்ள ஆளுநா் மாளிகைக்கு செல்லும் பிரதமா் மோடி திங்கள்கிழமை இரவு அங்கு தங்குகிறாா்; அங்கு பாரதிய ஜனதா கட்சியின் சில முக்கிய தலைவா்களுடன் வரும் மக்களவைத் தோ்தல் பிரசாரப் பணிகள் தொடா்பாக அவா் ஆலோசனை நடத்தக்கூடும் எனத் தெரிகிறது.

ஜன.20, 21-இல் திருச்சி, ராமேசுவரம்...

சென்னையிலிருந்து சனிக்கிழமை (ஜன.20) காலை திருச்சிக்கு செல்லும் பிரதமா் மோடி, ஸ்ரீரங்கம் ரங்கநாதசுவாமி கோயிலில் தரிசனம் செய்கிறாா். அங்கிருந்து ராமேசுவரம் செல்லும் பிரதமா், ராமநாதசுவாமி கோயிலில் தரிசனம் செய்துவிட்டு, ஸ்ரீராமகிருஷ்ண மடத்தில் சனிக்கிழமை இரவு தங்குகிறாா்.

தனுஷ்கோடியில் உள்ள கோதண்டராமசுவாமி கோயிலுக்கு ஞாயிற்றுக்கிழமை (ஜன.21) காலை சென்று தரிசனம் செய்கிறாா்.

அதைத் தொடா்ந்து ராமா் பாலம் கட்டுமானம் தொடங்கிய இடமாகக் கருதப்படும் அரிச்சல்முனை பகுதியையும் பிரதமா் பாா்வையிட்டு பூஜை செய்யத் திட்டமிட்டுள்ளாா். இதன் பிறகு ஹெலிகாப்டா் மூலம் ராமேசுவரத்தில் இருந்து மதுரை செல்லும் பிரதமா், அங்கிருந்து சிறப்பு விமானம் மூலம் தில்லிக்கு புறப்படுகிறாா்.

அயோத்தி ராமா் கோயில் சிலை

பிரதிஷ்டையை முன்னிட்டு...

அயோத்தியில் ஜன.22ஆம் தேதி ராமா் கோயில் மூலவா் சிலை பிரதிஷ்டையை முன்னிட்டு, கடந்த சில நாள்களாக நாடு முழுவதும் பல்வேறு இடங்களில் உள்ள கோயில்களுக்கு பிரதமா் மோடி சென்று வழிபட்டு வருகிறாா். இதையொட்டி ஸ்ரீரங்கம் கோயிலில் தூய்மைப் பணி, சுவாமி தரிசனம் செய்து விட்டு ராமாயண பாராயண நிகழ்வில் பிரதமா் பங்கேற்க உள்ளாா். இதே போன்று, ராமேசுவரம் கோயிலில் நடைபெறவுள்ள பஜனை நிகழ்விலும் அவா் பங்கேற்க திட்டமிட்டுள்ளாா்.