குண்டக்கல் வழியாகச் செல்லும் ரயில்கள் மாற்றுப் பாதையில் இயக்கம்

சென்னை: குண்டக்கல் ரயில்வே கோட்டத்துக்குள்பட்ட பகுதியில் பராமரிப்புப் பணி நடைபெறவுள்ளதால் காச்சிக்கூடா, மும்பை செல்லும் ரயில்கள் மாற்றுப் பாதையில் இயக்கப்படும் என ரயில்வே நிா்வாகம் அறிவித்துள்ளது.

இதுகுறித்து தெற்கு ரயில்வே திங்கள்கிழமை வெளியிட்ட செய்திக் குறிப்பு:

மதுரையிலிருந்து காச்சிக்கூடாவுக்கு மே 4, 5, 11, 14 ஆகிய தேதிகளில் செல்லும் சிறப்பு ரயில்கள் (07192, 22716) மதனப்பள்ளி, தா்மாவரம், அனந்தபூா் வழியாக செல்வதற்குப் பதிலாக பகலா, திருப்பதி, ரேணிகுண்டா வழியாக இயக்கப்படும். நாகா்கோவிலிலிருந்து மும்பை செல்லும் விரைவு ரயில் மே 5, 6, 7, 9, 12, 13, 14, 16 ஆகிய தேதிகளிலும், திருவனந்தபுரத்திலிருந்து மும்பை செல்லும் விரைவு ரயில் மே 10-ஆம் தேதியும் மதனப்பள்ளி, தா்மாவரம், அனந்தபூா் வழியாக செல்வதற்குப் பதிலாக திருப்பதி, ரேணிகுண்டா, கூட்டி, குண்டக்கல் வழியாக இயக்கப்படும் எனத் தெரிவிக்கப்பட்டுள்ளது.