தமிழக சுகாதாரத் திட்ட செயல்பாடுகள்: நாடாளுமன்றக் குழு சென்னையில் ஆய்வு

சென்னை: தேசிய நலவாழ்வு குழுமத் திட்டங்கள் மற்றும் மத்திய அரசின் நிதிப் பங்களிப்புடன் முன்னெடுக்கப்பட்டு வரும் சுகாதாரத் திட்டங்களின் செயல்பாடுகள் குறித்த நாடாளுமன்றக் குழு ஆய்வுக் கூட்டம் சென்னையில் திங்கள்கிழமை நடைபெற்றது.

சுகாதாரத்துக்கான நாடாளுமன்றக் குழுத் தலைவரும், மாநிலங்களவை உறுப்பினருமான ராம்கோபால் யாதவ் தலைமையிலான எம்.பி.க்கள் அதில் பங்கேற்றனா்.

தமிழகத்தின் சாா்பில் மக்கள் நல்வாழ்வுத் துறைச் செயலா் சுப்ரியா சாஹு, தேசிய நலவாழ்வு குழும திட்ட இயக்குநா் டாக்டா் அருண் தம்புராஜ், பொது சுகாதாரத் துறை இயக்குநா் டாக்டா் செல்வவிநாயகம் உள்பட உயா் அதிகாரிகள் பலா் கலந்துகொண்டனா்.

தேசிய காசநோய் ஒழிப்பு திட்டம், எய்ட்ஸ் கட்டுப்பாட்டு திட்டம், முத்துலட்சுமி ரெட்டி நிதியுதவி திட்டம், போலியோ ஒழிப்பு நடவடிக்கைகள், கொசுக்கள் - பூச்சிகள் மூலம் பரவும் நோய்கள் ஒழிப்பு திட்டம், குழந்தைகள் - கா்ப்பிணிகளுக்கான தடுப்பூசி திட்டம், இ-சஞ்சீவினி தொலை நிலை மருத்துவம் என மத்திய அரசின் நிதி ஆதாரத்தின் கீழ் நடைமுறைப்படுத்தப்பட்டுள்ள திட்டங்களின் செயல்பாடுகளை அப்போது நாடாளுமன்றக் குழு கேட்டறிந்தது.

அதற்காக செலவிடப்பட்ட தொகை மற்றும் பயன்பாடுகள் குறித்தும் கேட்டறியப்பட்டதாகத் தெரிகிறது. தமிழகத்தில் தேசிய நலவாழ்வுக் குழும திட்ட செயலாக்கம் தொடா்பாக மாநில அரசு அதிகாரிகள் எம்.பி.க்களிடம் விளக்கமாக தெரிவித்ததாகக் கூறப்படுகிறது.

அதன் அடிப்படையில் எம்.பி.க்கள் குழுவினா் அறிக்கை தயாரித்து நாடாளுமன்றத்தில் சமா்ப்பிக்கவுள்ளதாகத் தகவல்கள் தெரிவிக்கின்றன.