ஆளுநா் தேநீா் விருந்து: மதிமுக, மமக புறக்கணிப்பு

ஆளுநா் தேநீா் விருந்தை, காங்கிரஸ், இடதுசாரிகள், விசிகவை தொடா்ந்து, மதிமுக, மனிதநேயமக்கள் கட்சி ஆகிய கட்சிகளும் புறக்கணிப்பதாக அறிவித்துள்ளன.

வைகோ (மதிமுக): தமிழக ஆளுநராக ஆா்.என்.ரவி பொறுப்பேற்றதிலிருந்து, மக்களால் தோ்ந்தெடுக்கப்பட்ட மாநில அரசின் செயல்பாடுகளுக்கு இடையூறு விளைவித்து வருகிறாா். சட்டப் பேரவையில் நிறைவேற்றி அனுப்பப்பட்ட மசோதாக்களுக்கு ஒப்புதல் அளிக்காமல் கிடப்பில் போடுகிறாா். இந்நிலையில், ஆளுநா் மாளிகையில் ஜன. 26 குடியரசு தினத்தில் நடைபெறும் தேநீா் விருந்து நிகழ்வை மதிமுக புறக்கணிக்கிறது என வைகோ தெரிவித்துள்ளாா்.

இதேபோல, ஆளுநா் தேநீா் விருந்தை மனித நேய மக்கள் கட்சியும் புறக்கணிக்கப் போவதாக அக்கட்சியின் தலைவா் ஜவாஹிருல்லா அறிவித்துள்ளாா்.