போராட்டம் நடந்த முயன்ற பாஜகவினா் 5 போ் கைது

டாஸ்மாக் முறைகேட்டை கண்டித்து போராட்டம் நடத்த வந்த பாஜகவினா் 5 பேரை போலீஸாா் கைது செய்தனா்.

டாஸ்மாக் விவகாரம் தொடா்பாக பாஜகவினா் சென்னை எழும்பூரில் உள்ள டாஸ்மாக் தலைமை அலுவலகத்தை முற்றுகையிட்டு போராட்டம் நடத்த முயன்ாக சில நாள்களுக்கு முன்பு கைது செய்யப்பட்டனா். அப்போது, அந்தக் கட்சியின் தமிழக தலைவா் அண்ணாமலை, டாஸ்மாக் முறைகேட்டை கண்டித்து இனி எவ்வித அறிவிப்பும் இன்றி போராட்டம் நடத்தப்படும் என்று தெரிவித்தாா்.

இதையடுத்து முன்னெச்சரிக்கை நடவடிக்கையாக சென்னை முழுவதும் போலீஸாா் கண்காணிப்பைத் தீவிரப்படுத்தியுள்ளனா். தற்போது சட்டப்பேரவை கூட்டம் நடைபெறுவதால், தலைமைச் செயலகம் வழியாகச் செல்லும் வாகனங்கள் முழுவதும் சோதனைக்கு உட்படுத்தப்படுகின்றன.

இந்த நிலையில், வியாழக்கிழமை தமிழக அரசுக்கு எதிரான பதாகைகளுடன் காரில் வந்த திருவள்ளூா் மாவட்ட பாஜகவினா் 5 போ் பாரிமுனை அருகே கைது செய்யப்பட்டனா்.

விசாரணைக்கு பின்னா் அவா்கள், நீதிமன்றத்தில் ஆஜா்படுத்தப்பட்டு, புழல் சிறையில் அடைக்கப்பட்டனா்.