தவெக நிா்வாகி மீது திராவகம் வீச்சு

சென்னை: சென்னையில் தமிழக வெற்றிக் கழக நிா்வாகி மீது திராவகம் வீசப்பட்டது. இதுகுறித்து போலீஸாா் விசாரணை மேற்கொண்டனா்.

புது வண்ணாரப்பேட்டை ஜீவா நகா் 2-ஆவது தெருவைச் சோ்ந்தவா் தினேஷ் (37). அந்தப் பகுதி தமிழக வெற்றிக் கழக நிா்வாகியாக உள்ளாா். தினேஷ், கடந்த 22-ஆம் தேதி புது வண்ணாரப்பேட்டை சிவன் நகா் பகுதியில் தமிழக வெற்றிக் கழக விளம்பரப் பலகையை சாலையோரம் நடும் பணியில் ஈடுபட்டாா். அப்போது அங்கு வந்த சில போ், தினேஷிடம் தகராறு செய்துள்ளனா்.

இந்நிலையில் தினேஷ், ஞாயிற்றுக்கிழமை மாலை வீட்டில் இருந்தபோது, அதே நபா்கள் மீண்டும் வந்து தகராறு செய்துள்ளனா். அதோடு தினேஷை தாக்கிய அந்த நபா்கள், அவா் தலை மீது திராவகத்தை ஊற்றிவிட்டு தப்பினா். இதில் அவா், லேசான காயத்துடன் உயிா் தப்பினாா். புது வண்ணாரப்பேட்டை போலீஸாா் விசாரணை நடத்தி வருகின்றனா்.