வருங்கால பிரதமர் விஜய்: அமைச்சர் ஜெகதீஸ்வரி

முதல்வர் விஜய்தான் வருங்கால பிரதமர் என அமைச்சர் ஜெகதீஸ்வரி கூறியுள்ளார்.

விருதுநகரில் இன்று நடைபெற்ற தனியார் வேலைவாய்ப்பு முகாமில் அமைச்சர்கள் கீர்த்தனா மற்றும் ஜெகதீஸ்வரி சிறப்பு விருந்தினர்களாக கலந்துகொண்டு,  100-க்கும் மேற்பட்ட பயனாளிகளுக்கு பணி நியமன ஆணைகளை வழங்கினர்.

இந்த நிகழ்ச்சியில் அமைச்சர் ஜெகதீஸ்வரி பேசியதாவது, "மாணவர்கள் நல்வழியில் சென்று ஊழலற்ற ஆட்சிக்கு உறுதுணையாக இருக்க வேண்டும். இனிவரும் காலங்களில் ஒவ்வொரு நேரமும் ஒவ்வொரு காலமும் நம்முடைய (தவெக) ஆட்சி மட்டுமே இருக்கும்.

இன்றைய முதல்வர், நாளைய பிரதமர் என்பதில் எந்தவொரு மாற்றுக் கருத்தும் இல்லை. நாம் அனைவரும் ஒவ்வொரு நொடியும் அதனை நோக்கியே பயணிப்போம்" என்று தெரிவித்தார்.

முன்னதாக, முதல்வர் விஜய்தான் அடுத்த பிரதமர் என தவெக அமைச்சர்கள் கூறியதற்கு தவெகவுடன் கூட்டணி அமைத்துள்ள காங்கிரஸ் கட்சியின் தலைவர் மாணிக்கம் தாகூர் மறுப்பு தெரிவித்துள்ளார்.

ராகுல் காந்திதான் எதிர்க்கட்சிகளின் முகம். அவர்தான் பிரதமர் வேட்பாளர் என்றும் மாணிக்கம் தாகூர் திட்டவட்டமாகக் கூறினார்.

இந்த நிலையில், தவெகவில் மற்றோர் அமைச்சரும் அடுத்த பிரதமர் விஜய்தான் எனக் கூறியுள்ளது குறிப்பிடத்தக்கது.