வடபழனி, சமயபுரம் கோயில் அலுவலர்கள் திடீர் பணியிடை நீக்கம்! அமைச்சர் ரமேஷ் உத்தரவு

இந்து சமய அறநிலையத் துறை அமைச்சர் ரமேஷின் உத்தரவின்பேரில் சமயபுரம் கோயில் அலுவலர் பணியிடை நீக்கம் செய்யப்பட்டுள்ளார்.

சமயபுரம் அருள்மிகு மாரியம்மன் கோயிலில் மணியம் பதவி வகித்த பழனிவேல் என்பவர், அளவுக்கு அதிகமாக சொத்து சேர்த்த புகாரில் அவரிடம் ஊழல் தடுப்பு கண்காணிப்பு பிரிவு விசாரணை நடைபெற்று வருகிறது.

இதையடுத்து அறநிலையத்துறை அமைச்சரின் உத்தரவின்படி பழனிவேல் பணியிடை நீக்கம் செய்யப்பட்டுள்ளார்.

அதேபோல சில நிர்வாக ஒழுங்கின்மை காரணமாக, வடபழனி முருகன் கோயில் இளநிலை உதவியாளர் ஹரி கோவிந்த் என்பவரும் சஸ்பெண்ட் செய்யப்பட்டுள்ளதாகத் தகவல் வெளியாகியுள்ளது.

அமைச்சரின் உத்தரவின்பேரில் கோயில் ஊழியர்கள் இருவர் திடீரென பணியிடை நீக்கம் செய்யப்பட்டுள்ளது சற்று பரபரப்பை ஏற்படுத்தியுள்ளது.