கேரளம், அஸ்ஸாமில் வேட்புமனு தாக்கல் இன்று கடைசிஅமெரிக்காவில் இருந்து இந்தியா வந்தது 16,700 மெட்ரிக் டன் எல்பிஜிதேர்தல் நடவடிக்கையால் ‘ஹெச்பிவி' தடுப்பூசி திட்டம் பாதிக்காது: சுகாதாரத் துறைவெளிப்பகுதி பறவைகளால் கிண்டி பூங்காவில் பரவிய பறவைக் காய்ச்சல்! ஹோர்முஸ் நீரிணையைத் திறக்க ஈரானுக்கு டிரம்ப் 48 மணி நேர கெடுமுதல்வர் ஸ்டாலினுடன் மார்க்சிஸ்ட் குழு சந்திப்பு! இன்று தொகுதி உடன்பாடு?தலைமைத் தோ்தல் ஆணையருக்கு எதிரான நோட்டீஸ் மீது நடவடிக்கை எப்போது?எதிா்க்கட்சிகள் காத்திருப்பு! கேரளத்தில் வாக்காளர் பட்டியலில் இணைக்க மார்ச் 15 வரை சமர்ப்பிக்கப்பட்ட விண்ணப்பங்கள் மட்டுமே பரிசீலனை!புதுச்சேரி தவெக வேட்பாளர் பட்டியல் வெளியீடுசர்வதேச பயங்கரவாதத்தில் முதல்முறையாக பாகிஸ்தான் முதலிடம்! 2025-ல் 1,139 பேர் பலிபாஜகவில் இணைந்த சிபிஎம் தலைவர் ஸ்மிதா சுந்தரேசன்!விசிகவுக்கு வெற்றி வாய்ப்புள்ள தொகுதிகள் எவை? நாளை உயர்நிலை ஆலோசனை!நாளை தேமுதிக மாவட்ட செயலர்கள் கூட்டம் ஆந்திரம்: கலப்பட பால் விவகாரம் - இறப்பு எண்ணிக்கை 16-ஆக உயர்வு!6 தொகுதிகள் என்பதில் உறுதியாக இருக்கிறோம்: மார்க்சிய கம்யூனிஸ்ட் 8,931 நாள்கள் சாதனை! பிரதமர் மோடிக்கு ராஜ்நாத் சிங் வாழ்த்துபுதுச்சேரி அதிமுக வேட்பாளர்கள் அறிவிப்பு!எரிபொருள் தட்டுப்பாடு: பிரதமர் மோடி தலைமையில் அமைச்சர்கள் ஆலோசனை!ஹோர்முஸ் நீரிணை அருகே 1,600 கி.மீ. தாக்கி அழிக்கும் அணுசக்தி நீர்மூழ்கிக் கப்பல்! ஹவாய் வெள்ளப்பெருக்கு: 5,500-க்கும் மேற்பட்ட மக்கள் பாதிப்பு!திமுக கூட்டணியிலிருந்து வெளியேறினார் வேல்முருகன்!
/

முதல்வா் மு.க.ஸ்டாலிடன் ப.சிதம்பரம் சந்திப்பு! புதுச்சேரி திமுக - காங்கிரஸ் தொகுதி உடன்பாடு முடிவுக்கு வருமா?

முன்னாள் மத்திய அமைச்சா் ப .சிதம்பரம், திமுக தலைவரும் தமிழக முதல்வருமான மு.க.ஸ்டாலினை ஞாயிற்றுக்கிழமை சந்தித்து முக்கிய ஆலோசனை மேற்கொண்டாா்.

News image

முன்னாள் மத்திய அமைச்சா் ப .சிதம்பரம், திமுக தலைவரும் தமிழக முதல்வருமான மு.க.ஸ்டாலின்.

Updated On :22 மார்ச் 2026, 10:02 pm

தினமணி செய்திச் சேவை

புதுச்சேரி சட்டப்பேரவைத் தோ்தலுக்கான வேட்பு மனு தாக்கல் திங்கள்கிழமை (மாா்ச் 23) நிறைவடையவுள்ள நிலையில், திமுக-காங்கிரஸ் தொகுதிப் பங்கீடு தொடா்பாக முன்னாள் மத்திய அமைச்சா் ப .சிதம்பரம், திமுக தலைவரும் தமிழக முதல்வருமான மு.க.ஸ்டாலினை ஞாயிற்றுக்கிழமை சந்தித்து முக்கிய ஆலோசனை மேற்கொண்டாா்.

புதுச்சேரி சட்டப்பேரவைத் தோ்தல் ஏப்.9-ஆம் தேதி நடைபெறவுள்ளது. அங்கு ஆளும் என்.ஆா்.காங்கிரஸ் - பாஜக கட்சிகளை உள்ளடக்கிய தேசிய ஜனநாயக கூட்டணி ஒருபுறமும், பிரதான எதிா்க்கட்சியான காங்கிரஸ்- திமுக கூட்டணி மறுபுறமும் தோ்தலைச் சந்திக்கின்றன. புதிய கட்சியான விஜய்யின் தவெக தனித்து களம் காண்கிறது. நாம் தமிழா் கட்சி சாா்பில் 28 வேட்பாளா்கள் களம் காண்கின்றனா்.

தேசிய ஜனநாயக கூட்டணியில் என்.ஆா்.காங்கிரஸ் கட்சி 16 தொகுதிகளிலும், பாஜக 10 தொகுதிகளிலும், அதிமுக மற்றும் லட்சிய ஜனநாயக கட்சி ஆகியவை தலா 2 தொகுதிகளிலும் போட்டியிடுகின்றன.

தேசிய ஜனநாயக கூட்டணி தோ்தல் பணிகளில் மும்முரமாக ஈடுபட்டு வரும் நிலையில், திமுக - காங்கிரஸ் இடையே தொகுதிப் பங்கீட்டில் இழுபறி நிலை நீடித்து வருகிறது.

இந்த குழப்பத்தை முடிவுக்கு கொண்டு வரும் வகையில், காங்கிரஸ் மூத்த தலைவரான ப.சிதம்பரம், திமுக தலைவா் மு,க.ஸ்டாலினை ஞாயிற்றுக்கிழமை நேரில் சந்தித்து ஆலோசனை மேற்கொண்டாா்.

அரசியல் முக்கியத்துவம் வாய்ந்த இந்த சந்திப்பு, சென்னை ஆழ்வாா்பேட்டையில் உள்ள மு.க.ஸ்டாலின் இல்லத்தில் நடைபெற்றது. இந்த ஆலோசனையில் புதுச்சேரி திமுக பொறுப்பாளா் ஜெகத்ரட்சகன் உடன் இருந்தாா்

இரு தலைவா்களின் ஆலோசனைக்குப் பிறகு, புதுச்சேரியில் திமுக - காங்கிரஸ் இடையே தொகுதி பங்கீட்டில் நீடித்துவரும் இழுபறி நிலை முடிவுக்கு வரும் என எதிா்பாா்க்கப்படுகிறது.

தமிழகத்திலும் திமுக - காங்கிரஸ் கூட்டணி இடையே தொகுதிப் பங்கீட்டில் இழுபறி நீடித்து வந்தது. அந்த நிலையில், ப. சிதம்பரம் மு.க.ஸ்டாலினை சந்தித்துப் பேசிய பிறகு சுமுக முடிவு எட்டப்பட்டது குறிப்பிடத்தக்கது.

இழுபறிக்கு என்ன காரணம்?: புதுச்சேரியில் மொத்தமுள்ள 30 தொகுதிகளில் திமுக - காங்கிரஸ் தலா 14 இடங்களிலும், விசிக, இந்திய கம்யூனிஸ்ட் தலா ஒரு இடத்திலும் போட்டியிடலாம் என திமுக தரப்பில் கூறப்பட்டு வருகிறது.

ஆனால், 15 இடங்களில் காங்கிரஸ் கட்சி, திமுக 13, விசிக, இந்திய கம்யூனிஸ்ட் தலா ஒரு தொகுதியில் போட்டியிடலாம் என்று காங்கிரஸ் தரப்பில் கூறப்படுகிறது. இதுதான் இக்கூட்டணியின் தொகுதிப் பங்கீட்டில் இழுபறி நீடிப்பதற்கு முக்கிய காரணமாகக் கூறப்படுகிறது