கடலூர் தாலுகா பள்ளிகளுக்கு இன்று விடுமுறை!

கனமழை காரணமாக, கடலூர் தாலுகா பள்ளிகளுக்கு இன்று (நவ. 3) விடுமுறை அறிவிக்கப்பட்டுள்ளது.

தென் மேற்கு வங்கக் கடலில் உருவான ‘முரசு’ புயல் மேற்கு - வடமேற்கு திசையில் நகர்ந்து, நெல்லூர் - நர்சாபூர் இடையே ஆந்திரக் கடற்கரையை, முரசு புயல் நவ.3-ஆம் தேதி (இன்று) அதிகாலை கரையைக் கடந்தது.

வட தமிழக கடலோரப் பகுதிகளில் கடல் கொந்தளிப்புடன் இருக்கும் எனவும் இந்திய வானிலை ஆய்வு மையம் தெரிவித்திருந்தது.

புயல் காரணமாக, கடலூர் துறைமுகத்தில் 3-ஆம் எண் புயல் எச்சரிக்கைக் கூண்டு ஏற்றப்பட்டிந்தது. இந்த நிலையில், புயல் ஆந்திர மாநிலத்தை நோக்கி நகர்ந்ததையடுத்து, திங்கள்கிழமை பிற்பகல் கடலூர் துறைமுகங்கத்தில் 3-ஆம் எண் புயல் எச்சரிக்கைக் கூண்டு இறக்கப்பட்டு, 2-ஆம் எண் புயல் எச்சரிக்கைக் கூண்டு ஏற்றப்பட்டது.

இதன் காரணமாக, கடலூர் தாலுகாவில் உள்ள பல்வேறு பகுதிகளில் கனமழை பெய்தது.

இந்த நிலையில், கடலூர் தாலுகா பள்ளிகளுக்கு மட்டும் இன்று (நவ. 3) ஒருநாள் விடுமுறை அறிவித்து மாவட்ட ஆட்சியர் உத்தரவிட்டுள்ளார்.