இந்திரா காந்தியைக் கண்டாலே அச்சம்! பின்னர் அவரே அம்மாவாக மாறினார்: சோனியாசீனாவின் முதல் மின்சார விமானம்: பயணிகளுடனான சோதனை ஓட்டத்தில் வெற்றி!சோனியா காந்தி புத்தக வெளியீட்டு விழா! முதல்வர் விஜய் பங்கேற்பு! மண்டல பூஜைக்காக சபரிமலை நடை திறப்பு!டிசம்பர் 3-ல் கன்னியாகுமரி மாவட்டத்துக்கு உள்ளூர் விடுமுறை!

முறைகேடுகளில் தொடா்பு: மாநில பொறுப்பிலிருந்து அரசுப் பள்ளி ஆசிரியா் விடுவிப்பு

தமிழகம் முழுவதும் ஆசிரியா் நியமனம், இடமாறுதல் போன்றவற்றில் முறைகேடுகளில் ஈடுபட்டதாக கூறப்படும் அரசுப் பள்ளி இடைநிலை ஆசிரியா் சிகரம் சதீஷ்குமாா் மாநில ஒருங்கிணைப்பாளா் பொறுப்பிலிருந்து விடுவிக்கப்பட்டுள்ளாா்.

Tamil Nadu Government Secretariat

தமிழ்நாடு அரசு - கோப்புப் படம்

Updated On :

தமிழகம் முழுவதும் ஆசிரியா் நியமனம், இடமாறுதல் போன்றவற்றில் முறைகேடுகளில் ஈடுபட்டதாக கூறப்படும் அரசுப் பள்ளி இடைநிலை ஆசிரியா் சிகரம் சதீஷ்குமாா் மாநில ஒருங்கிணைப்பாளா் பொறுப்பிலிருந்து விடுவிக்கப்பட்டுள்ளாா். அவரது மாற்றுப் பணி ஆணையை பள்ளிக் கல்வித் துறை ரத்து செய்து நடவடிக்கை மேற்கொண்டுள்ளது.

புதுக்கோட்டை மாவட்டம் அறந்தாங்கி ஒன்றியம் மேற்பனைக்காடு ஊராட்சி ஒன்றிய நடுநிலைப் பள்ளியின் இடைநிலை ஆசிரியராக சிகரம் சி.சதீஷ்குமாா் பணியாற்றி வருகிறாா். இவா் தமிழகம் முழுவதும் உள்ள அரசுப் பள்ளி ஆசிரியா்களின் குறைகளைக் கேட்பதற்காக உருவாக்கப்பட்ட ‘ஆசிரியா் மனசு’ திட்டத்தின் ஒருங்கிணைப்பாளராக கடந்த 2022-ஆம் ஆண்டு நியமிக்கப்பட்டாா். இதற்காக திருச்சியில் தனி அலுவலகம் அமைக்கப்பட்டது. இவரது நியமனத்தின் தொடக்கத்திலிருந்தே பல்வேறு சா்ச்சைகள் எழுந்தன.

அவரது செயல்பாடுகள் குறித்து பள்ளிக் கல்வித் துறை அதிகாரிகளுக்கு பல்வேறு புகாா்கள் வந்தன. எனினும், எந்த நடவடிக்கையும் எடுக்கப்படவில்லை எனத் தெரிகிறது.

இதைத் தொடா்ந்து தமிழகத்தில் கடந்த மே மாதம் தவெக ஆட்சிக்கு வந்ததும் ஆசிரியா் சதீஷ்குமாருக்கு சென்னை டிபிஐ வளாகத்தில் செயல்பட்டு வரும் மாநில கல்வியியல் ஆராய்ச்சி மற்றும் பயிற்சி நிறுவனத்தில் (எஸ்சிஇஆா்டி), கல்வித் துறை சாா்பில் வெளியிடப்படும் புது ஊஞ்சல், தேன்சிட்டு மற்றும் கனவு ஆசிரியா் இதழ்கள் சாா்ந்த பணிகளின் மாநில ஒருங்கிணைப்பாளராக செயல்பட ஜூன் மாதம் மாற்றுப் பணி ஆணை வழங்கப்பட்டது.

இந்தநிலையில், கடந்த ஆட்சியில் பல்வேறு புகாா்களுக்கு உள்ளான ஆசிரியா் சதீஷ்குமாா் மீது நடவடிக்கை எடுக்க வேண்டும் என பல்வேறு ஆசிரியா்கள் அமைப்புகள் வலியுறுத்தினா். மேலும், அரசு நூலகங்களுக்கான புத்தக கொள்முதலில் இவருக்கும் தொடா்பு இருப்பதாகக் கூறப்படுகிறது. இந்தநிலையில், தற்போது சதீஷ்குமாரின் மாற்றுப் பணி ஆணையை தொடக்கக் கல்வி இயக்ககம் ரத்து செய்துள்ளது. தொடா்ந்து எஸ்சிஇஆா்டி-இல் ஒருங்கிணைப்பாளா் பொறுப்பிலிருந்து அவரை விடுவித்த கல்வித்துறை அவா் புதுக்கோட்டையில் ஏற்கெனவே பணியாற்றிய பள்ளியில் உடனடியாக பணியில் சேரவும் அறிவுறுத்தியுள்ளது. விரைவில் அவா் மீது துறை ரீதியான நடவடிக்கை மேற்கொள்ளப்படவுள்ளதாக பள்ளிக் கல்வித் துறை வட்டாரங்கள் தெரிவித்தன.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.