குவைத், பஹ்ரைன் மீது மீண்டும் ஈரான் தாக்குதல்! வளைகுடா நாடுகள் கண்டனம்!சீனா சென்றார் டிரம்ப்! அதிபர்கள் ஜின்பிங், புதின் உடன் முத்தரப்பு சந்திப்பு!சோத்துப்பாறை அணையைத் திறந்த தவெகவினர்: எடப்பாடி பழனிசாமி கண்டனம்!தவெக உறுப்பினர் அட்டை இருந்தால் எந்த விதிகளையும் மதிக்கத் தேவையில்லை: கனிமொழிதினமணி இணையதள செய்தி எதிரொலி: அயனாவரம் கழிவுநீர் பிரச்னை! களமிறங்கிய குடிநீர் வாரிய அதிகாரிகள்!!தமிழக காவல்துறையில் புதிய இ-சிஎஸ்ஆர் வசதி அறிமுகம்! இனி ஆன்லைனிலேயே புகார் அளிக்கலாம்!நெல்லையில் காய்ச்சல் பாதிப்பு அதிகரிப்பா? உண்மை நிலவரம் என்ன?

சட்டம்-ஒழுங்கு: உண்மை நிலையை மறைக்கிறாா் டிஜிபி; உதயநிதி ஸ்டாலின்

தமிழக சட்டம்-ஒழுங்கு உண்மை நிலையை மறைக்க டி.ஜி.பி.மகேஷ் குமாா் அகா்வால் முயற்சிப்பதாக எதிா்க்கட்சித் தலைவா் உதயநிதி ஸ்டாலின் கூறியுள்ளாா்.

Udhayanidhi Stalin

உதயநிதி ஸ்டாலின் - கோப்புப் படம்

Updated On :

தமிழக சட்டம்-ஒழுங்கு உண்மை நிலையை மறைக்க டி.ஜி.பி.மகேஷ் குமாா் அகா்வால் முயற்சிப்பதாக எதிா்க்கட்சித் தலைவா் உதயநிதி ஸ்டாலின் கூறியுள்ளாா்.

இதுகுறித்து அவா் வெளியிட்ட அறிக்கை:

தமிழக காவல் துறை டி.ஜி.பி. மகேஷ்குமாா் அகா்வால் ஆளுங்கட்சி பிரமுகா் போல செயல்படுகிறாா். கடந்த 5 ஆண்டுகளுடன் ஒப்பிடுகையில், கடந்த 6 மாத ஆட்சியில் தமிழகத்தில் கொலைச் சம்பவங்கள் குறைவுதான்”என்று அவா் பெருமிதம் தெரிவித்துள்ளாா்.

கடந்த 5 ஆண்டுகளின் சராசரி கொலை எண்ணிக்கையை, நிகழாண்டின் 10 மாத சராசரியோடு ஒப்பிடுவது எந்த வகையில் நியாயம்? தீபாவளி அன்று மட்டும் 17 உயிா்கள் பறிபோன நிலையில், டிஜிபியே கொலைகள் குறைந்துவிட்டதாகக் கூறுவது ஆறுதல் அல்ல; அது நிா்வாகத்தின் அவலம். போதைப் பொருள் வழக்குகள் 74 சதவீதம் அதிகரித்துள்ளன என்றும் டிஜிபி கூறுவது, தமிழகத்தின் மூலை முடுக்கெல்லாம் போதைப் பொருள் கிடைக்கிறது என்பதையே உணா்த்துகிறது.

மாவட்ட ஆட்சியருக்கே தவெகவினரால் பாதுகாப்பு இல்லாத சூழல் நிலவும்போது, தமிழகத்தில் எப்படி சட்டம் - ஒழுங்கு சீராக இருக்க முடியும்?. ஆளுங்கட்சியினரின் அத்துமீறல்களையும், போதைப் பொருள் நடமாட்டத்தையும், நிா்வாகத் தோல்விகளையும் வெறும் சதவீதக் கணக்குகளால் மறைக்க முடியாது. புள்ளிவிவர வித்தைகளை கைவிட்டு, பெண்கள் மற்றும் குழந்தைகள் உள்பட அனைத்துத் தரப்பு மக்களின் உண்மையான பாதுகாப்பைக் களத்தில் உறுதி செய்ய காவல் துறை முன்வர வேண்டும் என தெரிவித்துள்ளாா் உதயநிதி ஸ்டாலின்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.