இந்திய கபடி அணி முன்னாள் கேப்டன் யத்விந்தர் சிங் ஆம் ஆத்மியில் இணைவு! குடியரசு துணைத் தலைவர் வருகை: சென்னையில் நவ. 21, 22 தேதிகளில் போக்குவரத்து மாற்றம் திருப்பரங்குன்றம் விவகாரம்; முதல்வர் விஜய்க்கு மு.க. ஸ்டாலின் கேள்வி!குட்கா முறைகேடு வழக்கு: சி. விஜயபாஸ்கர் மனு வாபஸ் மதுரை நகைக்கடை கொள்ளை வழக்கு: நிஷாந்தின் நீதிமன்றக் காவல் மேலும் நீட்டிப்பு வி.எஸ். பாபு உடலை சுமந்து சென்றார் முதல்வர் விஜய்!ஒரே நேரத்தில் பணியாளர்கள் ராஜிநாமா செய்தனரா? வழிகாட்டுதல் தமிழ்நாடு விளக்கம்திருப்பரங்குன்றம் தூணில் தீபம் ஏற்ற அனுமதி! உச்ச நீதிமன்றத்தின் முக்கிய நிபந்தனைகள்!!

குடியரசு துணைத் தலைவர் வருகை: சென்னையில் நவ. 21, 22 தேதிகளில் போக்குவரத்து மாற்றம்

குடியரசு துணைத் தலைவா் சி.பி.ராதாகிருஷ்ணனின் சென்னை வருகையையொட்டி சென்னையில் இரண்டு நாள்களுக்கு போக்குவரத்து மாற்றம் செய்யப்பட்டிருப்பது பற்றி...

Vice President's visit: Traffic diversions in Chennai on Nov. 21, 22

போக்குவரத்து மாற்றம் - கோப்புப் படம்

Updated On :

குடியரசு துணைத் தலைவா் சி.பி.ராதாகிருஷ்ணன் நவம்பர் 21 மற்றும் 22 ஆகிய தேதிகளில் சென்னை வருகையையொட்டி, முக்கிய சாலைகளில் போக்குவரத்து மாற்றங்கள் செய்யப்பட்டுள்ளதாக போக்குவரத்து காவல்துறையினர் அறிவித்துள்ளனர்.

குடியரசு துணைத் தலைவரின் பயணத்தின்போது குறிப்பிட்ட வழித்தடங்களில் 'பூஜ்ஜிய போக்குவரத்து' நடைமுறை அமல்படுத்தப்பட உள்ளது. இதனால் போக்குவரத்து நெரிசலைத் தவிர்க்கவும், பாதுகாப்பு ஏற்பாடுகளை மேற்கொள்ளவும் நள்ளிரவு முதல் அதிகாலை வரை கனரக மற்றும் வணிக வாகனங்களுக்குப் போக்குவரத்து மாற்றங்கள் செய்யப்பட்டுள்ளன.

நவம்பர் 21-ஆம் தேதி – பிற்பகல் 2 மணி முதல் இரவு 9 மணி வரை போக்குவரத்து மாற்றம்:

• தாம்பரத்திலிருந்து வரும் வாகனங்கள் திருநீர்மலை சந்திப்பில் திருப்பிவிடப்பட்டு, குன்றத்தூர் சாலை வழியாகச் செல்லலாம்.

• பல்லாவரத்திலிருந்து வரும் வாகனங்கள் பன்னாட்டு விமான நிலைய சந்திப்பு (ஹோட்டல் ஏர்வே) பகுதியில் திருப்பிவிடப்பட்டு, தாம்பரம் நோக்கிச் செல்லலாம்.

• போரூரிலிருந்து வரும் வாகனங்கள் கத்திப்பாரா சந்திப்பில் திருப்பிவிடப்பட்டு, வடபழனி வழியாகச் செல்லலாம்.

• அசோக் பில்லரிலிருந்து வரும் வாகனங்கள் சிபெட் (CIPET) சந்திப்பில் திருப்பிவிடப்பட்டு, கிண்டி தொழிற்பேட்டை நோக்கிச் செல்லலாம்.

• அண்ணா சாலையிலிருந்து வரும் வாகனங்கள் எம்.சி. ராஜா யு-டர்ன் பகுதியில் திருப்பிவிடப்படும்.

• அடையாறிலிருந்து வரும் வாகனங்கள் எல்.பி. சாலை பகுதியில் திருப்பிவிடப்படும்.

• ஓ.எம்.ஆர். பகுதியிலிருந்து வரும் வாகனங்கள் எஸ்.ஆர்.பி. டூல்ஸ் பகுதியில் திருப்பிவிடப்படும்.

• இ.சி.ஆர். பகுதியிலிருந்து வரும் வாகனங்கள் அக்கரை சந்திப்பில் திருப்பிவிடப்படும்.

நவம்பர் 22-ஆம் தேதி – காலை 8 மணி முதல் 10.30 மணி வரை போக்குவரத்து மாற்றம்:

1. அடையாறிலிருந்து பாரிஸ் கார்னர் நோக்கிச் செல்லும் வாகனங்கள்:

அடையாறிலிருந்து பாரிஸ் கார்னர் நோக்கி வரும் வாகனங்கள் கிரீன்வேஸ் சந்திப்பில் திருப்பிவிடப்படும். அங்கிருந்து கிரீன்வேஸ் சாலை, ஆர்.ஏ.புரம் 2-வது பிரதான சாலை சந்திப்பு, சேமியர்ஸ் சாலை, டி.டி.கே. சாலை, மியூசிக் அகாடமி சந்திப்பு, ஆர்.கே. சாலை மற்றும் அண்ணா சாலை வழியாகச் சென்று தங்களது இலக்கை அடையலாம்.

2. பாரிஸ் கார்னரிலிருந்து அடையாறு நோக்கிச் செல்லும் வாகனங்கள்:

பாரிஸ் கார்னரிலிருந்து அடையாறு நோக்கிச் செல்லும் வாகனங்கள் உழைப்பாளர் சிலை பகுதியில் திருப்பிவிடப்படும். அங்கிருந்து வாலாஜா சாலை மற்றும் அண்ணா சாலை வழியாகச் சென்று தங்களது இலக்கை அடையலாம்.

பொதுமக்களுக்குப் போக்குவரத்து காவல்துறை வேண்டுகோள்:

போக்குவரத்து நெரிசல் மற்றும் பயணிகளுக்கு ஏற்படும் அசௌகரியங்களைத் தவிர்க்க, பொதுமக்கள் போக்குவரத்து காவல்துறையினருக்கு முழு ஒத்துழைப்பு வழங்க வேண்டும். மேலும், தற்காலிகப் போக்குவரத்து மாற்றங்களைக் கருத்தில் கொண்டு, பொதுமக்கள் தங்களது பயணங்களை முன்கூட்டியே திட்டமிட்டுக்கொள்ள வேண்டும் எனச் சென்னை போக்குவரத்து காவல்துறை கேட்டுக்கொண்டுள்ளது.

Summary

The Traffic Police have announced that traffic diversions have been implemented on major roads in view of Vice President C.P. Radhakrishnan's visit to Chennai on November 21 and 22.

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.