தேர்தல் வழக்கு: அம்பாசமுத்திரம் இசக்கி சுப்பையா மனு தள்ளுபடி

அம்பாசமுத்திரம் தொகுதியில் தனக்கு எதிரான தேர்தல் வழக்கை நிராகரிக்கக்கோரிய இசக்கி சுப்பையாவின் மனுவை சென்னை உயர்நீதிமன்றம் தள்ளுபடி செய்து உத்தரவிட்டது.

தமிழகத்தில் நடந்து முடிந்த சட்டப்பேரவைத் தேர்தலில் நெல்லை மாவட்டம் அம்பாசமுத்திரம் தொகுதியில் அதிமுக சார்பில் போட்டியிட்ட இசக்கி சுப்பையா, 10,245 வாக்குகள் வித்தியாசத்தில் வெற்றி பெற்றிருந்தார்.

இருப்பினும், தேர்தலில் அதிமுக வெற்றி பெறாத நிலையில் எம்எல்ஏ பதவியை ராஜிநாமா செய்த இசக்கி சுப்பையா, ஆளுங்கட்சியான தவெகவில் இணைந்தார்.

இதனிடையே, அம்பாசமுத்திரம் தொகுதியில் இசக்கி சுப்பையாவின் வெற்றி செல்லாது என அறிவிக்கக்கோரி வாக்காளர் காந்திமதிநாதன் என்பவர் தேர்தல் வழக்கு தொடர்ந்தார்.

இந்த நிலையில், தனக்கு எதிரான தேர்தல் வழக்கை நிராகரிக்கக்கோரி இசக்கி சுப்பையா, சென்னை உயர்நீதிமன்றத்தில் மனு தாக்கல் செய்தார்.

இருப்பினும், இசக்கி சுப்பையாவின் மனுவை விசாரித்த நீதிமன்றம், அவரின் மனுவை தள்ளுபடி செய்து உத்தரவிட்டது. மேலும், இசக்கி சுப்பையாவின் வெற்றிக்கு எதிரான தேர்தல் வழக்கின் விசாரணை தொடரும் என்றும் நீதிமன்றம் தெரிவித்துள்ளது.