நாகல்குளத்தில் நியாயவிலைக் கடையை முழு நேரமாக மாற்ற பாஜக கோரிக்கை

தென்காசி மாவட்டம் நாகல்குளத்தில் இயங்கிவரும் நியாயவிலைக் கடையை முழுநேரக் கடையாக மாற்ற வேண்டும் என பாஜக சாா்பில் கோரிக்கை மனு அளிக்கப்பட்டது. மத்தியஅரசு நலத்திட்ட பிரிவு மாநிலச் செயலா் மருதுபாண்டியன், மாவட்ட வருவாய்அலுவலரிடம் அளித்த மனு: நாகல்குளம் கிராமத்தில் செயல்பட்டு வரும் அமுதம் நியாய விலைக்கடையில் மொத்தம் 694 குடும்ப அட்டைகள் உள்ளன. பெரும்பாலான மக்கள் விவசாயம் மற்றும் விவசாயம் சாா்ந்த வேலைக்கு சென்று வருவதால் நியாய விலைக்கடையானது பகுதி நேரமாக செயல்படுவதால் கூட்ட நெரிசல் அதிகமாக உள்ளது. எனவே பொருள்கள் வாங்குவதற்கு மிகவும் சிரமப்படுகினறனா். இதனால் பகுதி நேரமாக செயல்பட்டு வரும் நியாய விலைக்கடையை முழு நேரமாக மாற்றித் தரவேண்டும். மேலும் நாகல்குளம் ஊராட்சியை பெத்தநாடாா்பட்டி 2 இல் இருந்து பிரித்து தனி வருவாய் கிரமமாக உருவாக்கி தரவேண்டும். 20 கிராம விவசாயிகளின் நீண்ட கால கோரிக்கையான இரட்டை கால்வாய் திட்டத்தை நிறைவேற்ற வேண்டும் என அம்மனுவில் கூறப்பட்டுள்ளது. தொழில்பிரிவு மாநில செயலா் வி.எஸ்.அருணாசலம் கலந்துகொண்டாா்.