குற்றாலம் அருவிகளில் குளிக்கத் தடை

தொடா்மழை காரணமாக குற்றாலம் அருவிகளில் குளிக்க ஞாயிற்றுக்கிழமை தடை விதிக்கப்பட்டது.

தென்காசி மாவட்டத்தின் பல்வேறு பகுதிகளில் ஞாயிற்றுக்கிழமை மழை பெய்தது. இதனால், குற்றாலம் அருவிகளுக்கு நீா்வரத்து அதிகரித்ததையடுத்து, சுற்றுலாப் பயணிகளின் பாதுகாப்புக் கருதி குளிக்கத் தடை விதிக்கப்பட்டது. புலியருவியில் மட்டும் குளிக்க அனுமதி அளிக்கப்பட்டது.

மணிமுத்தாறு அருவியில்...

வங்கக் கடலில் உருவாகியுள்ள புதிய காற்றழுத்தத் தாழ்வு காரணமாக, மேற்குத் தொடா்ச்சி மலைப் பகுதியில் தொடா் மழை பெய்து வருகிறது. இதன் காரணமாக, மணிமுத்தாறு அருவியில் நீா்வரத்து அதிகரித்தது. இதனால், 5 - ஆவது நாளாக ஞாயிற்றுக்கிழமையும் சுற்றுலாப் பயணிகள் குளிக்கத் தடை நீட்டிக்கப்பட்டது. பயணிகள் அருவியை பாா்வையிட அனுமதிக்கப்பட்டனா்.