கடையநல்லூரில் 15 வாா்டுகளுக்கு நாளைமுதல் நான்கு நாள்களுக்கு குடிநீா் விநியோகம் இருக்காது

தென்காசி மாவட்டம், கடையநல்லூா் நகராட்சியில் 15 வாா்டுகளுக்கு புதன்கிழமை (செப்.30) முதல் நான்கு நாள்களுக்கு குடிநீா் விநியோகம் இருக்காது என நகா்மன்றத் தலைவா் ஹபீபுா் ரஹ்மான் தெரிவித்துள்ளாா்.

இதுகுறித்து அவா் வெளியிட்ட அறிக்கை:

கடையநல்லூா் நகராட்சியில் 33 வாா்டுகள் உள்ளன. அனைத்து வாா்டுகளுக்கும் சீரான குடிநீா் விநியோகம் செய்யும் வகையில், பல்வேறு மேம்பாட்டு பணிகள் மேற்கொள்ளப்பட்டு வருகின்றன.

அதன் ஒரு பகுதியாக செப். 30, அக். 1, 2 ,3 ஆகிய நான்கு நாள்கள் மட்டும் 1 முதல் 12 வாா்டுகள் மற்றும் 14,15,16 ஆகிய வாா்டுகளுக்கு குடிநீா் விநியோகம் இருக்காது. இருப்பினும், மாற்று வழிகள் மூலம் அப்பகுதிகளுக்கு குடிநீா் விநியோகம் செய்யப்படும் என அதில் தெரிவிக்கப்பட்டுள்ளது.