வாசுதேவநல்லூா் பேரூராட்சியில் குடிநீா் தட்டுப்பாடு: மக்கள் அவதி

தென்காசி மாவட்டம், வாசுதேவநல்லூா் பேரூராட்சியில் 10 நாள்களுக்கு ஒருமுறை மட்டுமே குடிநீா் விநியோகம் செய்யப்படுவதால் பொதுமக்கள் பெரிதும் பாதிக்கப்பட்டு வருகின்றனா்.

இப்பேரூராட்சியில் 18 வாா்டுகள் உள்ளன. சுமாா் 27,000 போ் வசித்து வருகின்றனா். கூட்டுக்குடிநீா் திட்டம் மற்றும் உள்ளூா் குடிநீா் ஆதாரங்கள் மூலம் மக்களுக்கு குடிநீா் விநியோகம் செய்யப்பட்டு வருகிறது.

தமிழ்நாடு குடிநீா் வடிகால் வாரியம் இப்பேரூராட்சிக்கு 14 லட்சம் லிட்டா் குடிநீா் தினமும் வழங்க வேண்டும். ஆனால், அந்த அளவை விட பாதிக்கும் குறைவான குடிநீா் மட்டுமே வழங்கப்பட்டு வருவதாக கூறப்படுகிறது. இதனால், 2 நாள்களுக்கு ஒகு முறை விநியோகம் செய்யப்பட்டு வந்த குடிநீா் தற்போது 10 நாள்களுக்கு ஒரு முறை மட்டுமே கிடைப்பதாக பொதுமக்கள் தெரிவிக்கின்றனா்.

இது குறித்து சமூக ஆா்வலா் சுரேஷ் கூறியதாவது: வாசுதேவநல்லூா் பேரூராட்சியில் ஒரு நாள் விட்டு ஒரு நாள் பொதுமக்களுக்கு குடிநீா் வழங்கப்பட்டு வந்த நிலையில், தற்போது 5 முதல் 10 நாள்களுக்கு ஒருமுறை மட்டுமே குடிநீா் வழங்கப்படும் நிலையுள்ளது. இப்பேரூராட்சியில் உள்ள 6 குடிநீா் கிணறுகளில் 4 கிணறுகள் முற்றிலும் வற்றிவிட்டன. எஞ்சியுள்ள 2 கிணறுகளில் இருந்து மட்டுமே குறைந்த அளவு குடிநீா் கிடைத்து வருகிறது.

இதனால், மக்கள் பெரிதும் பாதிக்கப்பட்டு வருகின்றனா். எனவே, வாசுதேவநல்லூா் பேரூராட்சிக்கு என்று தலையணை பகுதியில் புதிய குடிநீா் திட்டத்தை செயல்படுத்தி நிரந்தர தீா்வு காண வேண்டும் என்றாா்.