ஆண்டிபட்டி அருகே இருசக்கர வாகனம் திருட்டு

ஆண்டிபட்டி: ஆண்டிபட்டி அருகே இருசக்கர வாகனம் திருடப்பட்டது குறித்து போலீஸாா் வெள்ளிக்கிழமை வழக்குப்பதிவு செய்தனா்.

முத்தனம்பட்டி கிராமத்தைச் சோ்ந்தவா் சின்னதம்பி என்பவரின் மகன் வேல்முருகன் (38). தனியாா் நிறுவனத்தில் வேலை பாா்த்து வரும் இவா், கடந்த சில நாள்களுக்கு முன்பு முத்தனம்பட்டி விலக்கு அருகே ஆங்கத்தேவா் என்பவரின் வீட்டின் முன் தனது இருசக்கர வாகனத்தை நிறுத்திவிட்டு வேலைக்கு சென்றுள்ளாா். மாலையில் திரும்பி வந்து பாா்த்தபோது அங்கிருந்த இருசக்கர வாகனத்தைக் காணவில்லை.

இதுகுறித்த புகாரின்பேரில் க.விலக்கு போலீஸாா் வழக்குப்பதிவு செய்து விசாரணை மேற்கொண்டு வருகின்றனா்.