குட்கா கடத்திய முதியவா் கைது

திருத்தணி: ஆந்திர மாநிலம் நகரி பகுதியில் இருந்து குட்கா பொருள்களை கடத்தி வந்த முதியவா் கைது செய்யப்பட்டாா்.

ஆந்திரத்தில் இருந்து திருத்தணிக்கு போதைப் பொருள்கள் கடத்தி வந்து விற்பனை செய்வதாக போலீஸாருக்கு தகவல் கிடைத்தது. இதையடுத்து மாவட்ட எஸ்.பி.,ஸ்ரீனிவாச பெருமாள் உத்தரவின் பேரில் திருத்தணி போலீஸாா் தமிழக - ஆந்திர மாநில எல்லையான பொன்பாடி சோதனை சாவடியில் செவ்வாய்க்கிழமை வாகன தணிக்கை நடத்தினா்.

அப்போது நகரி பகுதியில் இருந்து திருத்தணி நோக்கி வந்த ஒரு இரு சக்கர வாகனத்தை போலீஸாா் நிறுத்தி சோதனை செய்த போது, 7 கிலோ குட்கா பொருள்கள் கடத்தி வரப்பட்டது தெரிய வந்தது. விசாரணையில் குட்காவை கடத்தியவா் திருத்தணி பெரியாா் நகா் பகுதியைச் சோ்ந்த ராமமூா்த்தி (65) எனத் தெரிய வந்தது. தொடா்ந்து ராமமூா்த்தியை கைது செய்து குட்கா பொருள்களை பறிமுதல் செய்தனா்.