திருவள்ளூா்: கூட்டுறவு ஆராய்ச்சி, வளா்ச்சி மற்றும் கல்வி நிதி ரூ.4.84 லட்சம் அிப்பு

பொன்னேரி சரகத்துக்குட்பட்ட கூட்டுறவு தொடக்க வேளாண்மை மற்றும் ஊரக வளா்ச்சி வங்கி சாா்பில் கூட்டுறவு ஆராய்ச்சி, வளா்ச்சி மற்றும் கல்வி நிதி ரூ.4.84 லட்சதுக்கான காசோலையை கூட்டுறவு மண்டல இணைப்பதிவாளா் பா.பா.ஜெயஸ்ரீயிடம் வழங்கினா். (படம்)

திருவள்ளூா் மாவட்டம், பொன்னேரி சரகத்திற்குட்பட்ட பொன்னேரி கூட்டுறவு தொடக்க வேளாண்மை மற்றும் ஊரக வளா்ச்சி வங்கி சாா்பில் 2018-2019 ஆம் ஆண்டுக்கான மற்றும் சைதாப்பேட்டை கூட்டுறவு தொடக்க வேளாண்மை ஊரக வளா்ச்சி வங்கி சாா்பில் 2023-2024 ஆம் ஆண்டுக்கான கூட்டுறவு ஆராய்ச்சி வளா்ச்சி மற்றும் கல்வி நிதி வழங்குவது வழக்கமாகும்.

அந்த வகையில் திருவள்ளூா் மாவட்ட கூட்டுறவு ஒன்றிய அலுவலகத்தில் கூட்டுறவு ஆராய்ச்சி, வளா்ச்சி மற்றும் கூட்டுறவு கல்வி நிதி வழங்கும் நிகழ்ச்சி நடைபெற்றது. இந்த நிகழ்வில் கூட்டுறவு ஒன்றியத்திற்கு செலுத்த வேண்டிய கூட்டுறவு ஆராய்ச்சி, வளா்ச்சி நிதி மற்றும் கூட்டுறவு கல்வி நிதி ஆகியவற்றின் மொத்த தொகை ரூ.4. 84 லட்சம் காசோலையை பொன்னேரி மற்றும் சைதாப்பேட்டை கூட்டுறவு தொடக்க வேளாண்மை மற்றும் ஊரக வளா்ச்சி வங்கிகளின் சங்க செயலா் யுவராஜ், கூட்டுறவு சங்கங்களின் இணைப்பதிவாளா் பா.ஜெயஸ்ரீயிடம் வழங்கினா். அப்போது, திருவள்ளூா் மாவட்ட கூட்டுறவு ஒன்றியத்தின் மேலாளா் ஆகியோா் உடனிருந்தனா்.