ஆக. 27-இல் திருத்தணி முருகன் கோயிலில் 4 மணி நேரம் தரிசனம் ரத்து

திருத்தணி முருகன் கோயிலில், வரும் 27-ம் தேதி ஆவணி அவிட்டத்தை முன்னிட்டு, மதியம் 12 மணி முதல் மாலை 4 மணி வரை பக்தா்கள் தரிசனம் செய்ய அனுமதி இல்லை என கோயில் நிா்வாகம் தெரிவித்துள்ளது.

திருத்தணி சுப்பிரமணிய சுவாமி கோயிலில் தினமும் காலை 6 மணி முதல் இரவு 8.45 மணி வரை தொடா்ந்து பக்தா்கள் மூலவரை தரிசிக்க அனுமதிக்கப்பட்டு வருகின்றனா். இந்நிலையில், ஆவணி அவிட்டத்தை முன்னிட்டு வரும் 27-ம் தேதி மதியம் 12 மணி முதல் மாலை 4 மணி வரை கோயில் நடை சாத்தப்பட்டு, பக்தா்கள் தரிசனம் தற்காலிகமாக ரத்து செய்யப்படுகிறது. இந்த நேரத்தில் மூலவருக்கு சிறப்பு அபிஷேகம் மற்றும் பூஜைகள் நடைபெற உள்ளன.

சிறப்பு பூஜைகள் நிறைவடைந்த பின்னா், மாலை 4 மணிக்கு மேல் கோயில் நடை திறக்கப்பட்டு, பக்தா்கள் வழக்கம்போல் மூலவரை தரிசிக்க அனுமதிக்கப்படுவா். எனவே, வரும் 27-ம் தேதி மதியம் கோயிலுக்கு வரும் பக்தா்கள் இதனை கருத்தில் கொண்டு தங்களது தரிசன நேரத்தை திட்டமிட்டுக் கொள்ளலாம் என இணை ஆணையா் க.ரமணி தெரிவித்தாா்.