புதிய உச்சத்தில் மும்பை பங்குச் சந்தை

மும்பை பங்குச் சந்தையில் திங்கள்கிழமை நடைபெற்ற வர்த்தகத்தில் சென்செக்ஸ் புதிய உச்சத்தை தொட்டது.
ஜிஎஸ்டி கவுன்சில் கூட்டத்தில் மேலும் பல பொருள்களுக்கு வரி குறைப்பு செய்ய முடிவெடுக்கப்பட்டது. அதன் எதிரொலியாக, வங்கி, வேகமாக விற்பனையாகும் நுகர்வோர் பொருள்கள் துறை பங்குகள் அதிக விலைக்கு கைமாறின. மும்பை பங்குச் சந்தையில் திங்கள்கிழமை நடைபெற்ற வர்த்தகத்தில் சென்செக்ஸ் 222 புள்ளிகள் அதிகரித்து வராலற்றில் முதல் முறையாக 36,718 புள்ளிகளைத் தொட்டு நிறைவடைந்தது. தேசிய பங்குச் சந்தையில் நடைபெற்ற வர்த்தகத்தில் நிஃப்டி 74 புள்ளிகள் உயர்ந்து 11,084 புள்ளிகளில் நிலைத்தது. கடந்த ஜனவரி 29-க்குப் பிறகு காணப்படும் அதிகபட்ச அளவாகும் இது.