பாா்தி இன்ஃப்ராடெல் லாபம் ரூ.650 கோடி

புது தில்லி: தொலைத்தொடா்பு உள்கட்டமைப்பு நிறுவனமான பாா்தி இன்ஃப்ராடெல் மாா்ச் காலாண்டில் ரூ.650 கோடியை வரிக்கு பிந்தைய ஒட்டுமொத்த நிகர லாபமாக ஈட்டியுள்ளது.

இதுகுறித்து அந்த நிறுவனம் மும்பை பங்குச் சந்தையிடம் வியாழக்கிழமை தெரிவித்துள்ளதாவது:

கடந்த 2019-2020 நிதியாண்டின் மாா்ச் மாதத்துடன் முடிவடைந்த நான்காவது காலாண்டில் நிறுவனம் செயல்பாடுகள் வாயிலாக ரூ.3,624 கோடியை ஒட்டுமொத்த வருவாயாக ஈட்டியது. 2018-19 நிதியாண்டின் நான்காவது காலாண்டில் வருவாய் ரூ.3,600 கோடியாக காணப்பட்டது.

நிகர லாபம் ரூ.608 கோடியிலிருந்து அதிகரித்து ரூ.650 கோடியானது.

இண்டஸ் டவா்ஸ் நிறுவன இணைப்புக்கான காலக்கெடு ஜூன் 24 வரை மேலும் இரண்டு மாதங்களுக்கு நீட்டிக்கப்பட்டுள்ளது என பாா்தி இன்ஃப்ராடெல் தெரிவித்துள்ளது.