ரூ.12,999-க்கு அமேசான் அறிமுகப்படுத்திய எக்கோ ஷோ 8

பிரபல தொழில்நுட்ப நிறுவனமான அமேசான், 8 இன்ச் டிஸ்பிளேயுடன் கூடிய எக்கோ ஷோ 8 -யை அறிமுகப்படுத்தியுள்ளது. 

எக்கோ ஷோ 8, ஸ்டீரியோ சவுண்ட் மற்றும் ஷட்டருடன் உள்ளமைக்கப்பட்ட 8 இன்ச் தொடுதிரையைக் கொண்டுள்ளது. முக்கியமாக, வீடியோ அழைப்புகளுக்கு இதனைப் பயன்படுத்தலாம். மேலும் பயனர்களை விரைவாகவும், தடையின்றி மற்ற எக்கோ சாதனங்களுடன் இணைக்கவும் அனுமதிக்கிறது. டிராப்-இன் அம்சத்திற்கும் கேமராவைப் பயன்படுத்தலாம். இது 8 அங்குல தொடுதிரையுடன் இரண்டு அங்குல நியோடைமியம் ஸ்பீக்கர்கள் மற்றும் செயலற்ற பாஸ் ரேடியேட்டர் உள்ளது. 

வருகிற பிப்ரவரி 26 முதல் ஆன்லைனிலும், மொபைல் ஸ்டார்களிலும் கிடைக்கும். இந்தியாவில் இதன் விலை ரூ.12,999. எனினும், அறிமுகத் தள்ளுபடியாக ரூ.8,999-க்கு விற்கப்படும் என தகவல் வெளியாகியுள்ளது.

முன்னதாக அமேசானின் எக்கோ ஷோ 5 வாடிக்கையாளர்கள் மத்தியில் நல்ல வரவேற்பைப் பெற்றது குறிப்பிடத்தக்கது.