ஓப்போ நிறுவனம் தனது புதிய ஸ்மார்ட்போனான ஃபைண்ட் எக்ஸ் 2 (Find X2) வெளியீட்டை அடுத்து ஓப்போ ஸ்மார்ட் வாட்சை அறிமுகம் செய்துள்ளது. இது ஓப்போ நிறுவனத்தின் முதல் ஸ்மார்ட் வாட்ச் ஆகும்.
ஆப்பிள் வாட்ச் போன்று காணப்படும் ஓப்போ வாட்சின் புகைப்படம் ஏற்கெனவே வெளியாகி சமூக வலைதளங்களில் வைரலானது. சதுர வடிவில் பார்ப்பதற்கு அழகாக இருக்கும் இந்த ஸ்மார்ட் வாட்ச் நவீன தொழில்நுட்பத்தில் வடிவமைக்கப்பட்டுள்ளது. தங்கம் மற்றும் கருப்பு நிறத்தில் வரும் இதில் புதிதாக, 3டி கிளாஸ் அறிமுகமாகிறது. எனவே இன்றைய இளம் தலைமுறையினரை பெரிதும் கவரும் என்று எதிர்பார்க்கப்படுகிறது.
ஆப்பிள் வாட்ச் சீரிஸ் 4 மற்றும் ஆப்பிள் வாட்ச் சீரிஸ் 5ல் உள்ளதைப் போலவே ஓப்போ ஸ்மார்ட் வாட்சும் உடலியல் செயல்பாடு குறித்த பல்வேறு தகவல்களைக் கொண்டிருக்கும். குறிப்பாக, இதயத்துடிப்பு கண்காணிக்கப்படுகிறது.
மேலும், 41 மிமீ மற்றும் 46 மிமீ ஆகிய இரண்டு அளவுகளில் வருகிறது. கூகுளின் வியர்(Wear ) ஓ எஸ்.யை அடிப்படையாகக் கொண்டது. கலர் ஓ.எஸ்.இன் பதிப்பையும் கொண்டுள்ளது. அமோல்டு டிஸ்பிளே ஃப்ளாஷ் சார்ஜ், ஃபாஸ்ட் சார்ஜிங் தொழில்நுட்பம் உள்ளிட்ட முக்கிய அம்சங்களைக் கொண்டுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.