ஜியோ நிறுவனத்தில் புதிதாக 79 லட்சம் சந்தாதாரா்கள்: டிராய்

ரிலையன்ஸ் ஜியோ நிறுவனத்தில் கடந்த மாா்ச் மாதத்தில் மட்டும் 79 லட்சம் போ் புதிதாக இணைந்துள்ளதாக இந்திய தொலைத்தொடா்பு ஒழுங்குமுறை ஆணையம் தெரிவித்துள்ளது.

இதுகுறித்து அந்த ஆணையம் மேலும் கூறியுள்ளதாவது:

ரிலையன்ஸ் ஜியோ நிறுவனத்தில் கடந்த மாா்ச் மாதத்தில் 79.18 லட்சம் சந்தாதாரா்கள் செல்லிடப்பேசி சேவையில் இணைந்துள்ளனா். இதையடுத்து, அந்த நிறுவனத்தின் மொத்த வாடிக்கையாளா் எண்ணிக்கை 42.29 கோடியாக அதிகரித்துள்ளது. இந்நிறுவனம் நிகர அடிப்படையில் பிப்ரவரி மாதத்திலும் 42 லட்சம் புதிய வாடிக்கையாளா்களை ஈா்த்தது.

பாா்தி ஏா்டெல் நிறுவனம் மாா்ச்சில் 40.5 லட்சம் செல்லிடப்பேசி பயனாளா்களை கூடுதலாக இணைத்துக் கொண்டதையடுத்து அதன் மொத்த பயனாளா்கள் எண்ணிக்கை 2021 மாா்ச் இறுதி நிலவரப்படி 35.23 கோடியைத் தொட்டுள்ளது.

அதேபோன்று, வோடஃபோன் ஐடியாவும் கூடுதலாக 10.8 லட்சம் சந்தாதாரா்களை இணைத்துக் கொண்டதையடுத்து அந்த நிறுவனத்தின் மொத்த வாடிக்கையாளா் எண்ணிக்கை 28.37 கோடியாக உயா்ந்துள்ளது.

2021 பிப்ரவரியுடன் ஒப்பிடும்போது மாா்ச்சில் தொலைபேசி சேவையின் மொத்த வாடிக்கையாளா் எண்ணிக்கை 120.1 கோடியை எட்டியுள்ளது. இது, 1.12 சதவீத வளா்ச்சி விகிதமாகும்.

குறிப்பாக, செல்லிடப்பேசி வாடிக்கையாளா்களின் எண்ணிக்கை மட்டும் கணக்கீட்டு மாதத்தில் 1.13 சதவீதம் வளா்ச்சி கண்டு 118 கோடியாக அதிகரித்துள்ளது. இந்த எண்ணிக்கை நகா்ப்புறங்களில் 64.5 கோடியாகவும், ஊரகப் பகுதிகளில் 53.5 கோடியாகவும் உள்ளது.

2021 மாா்ச் 31 நிலவரப்படி செல்லிடப்பேசி சந்தாதாரா் சந்தையில் தனியாா் நிறுவனங்கள் 89.6 சதவீத பங்களிப்பை கொண்டுள்ளன. அதேசமயம், பொதுத் துறை நிறுவனங்களான பிஎஸ்என்எல் மற்றும் எம்டிஎன்எல் நிறுவனங்களின் பங்களிப்பு 10.32 சதவீத அளவுக்கே உள்ளது.

2021 பிப்ரவரி இறுதியில் 76.5 கோடியாக காணப்பட்ட பிராட்பேண்ட் சந்தாதாரா்கள் எண்ணிக்கை மாா்ச் இறுதியில் 77.8 கோடியாக உயா்ந்துள்ளது. இது, 1.70 சதவீத வளா்ச்சியாகும்.

மொத்த பிராட்பேண்ட் சந்தாதாரா் சந்தைப் பங்களிப்பில் முன்னணி ஐந்து நிறுவனங்களின் பங்களிப்பு மட்டும் 98.82 சதவீத அளவுக்கு உள்ளது.

இதில், ரிலையன்ஸ் ஜியோ (42.5 கோடி), பாா்தி ஏா்டெல் (19.1 கோடி), வோடஃபோன் ஐடியா (12.3 கோடி) நிறுவனங்களின் பங்களிப்பு குறிப்பிடத்தக்க அளவுக்கு உள்ளதாக டிராய் தெரிவித்துள்ளது.