மேற்கு வங்கத்தில் 2-ஆவது கட்ட தோ்தல் அமைதியாக நடந்தது: தோ்தல் ஆணையம் திட்டமிட்டபடி மே 3-ஆம் வாரத்தில் 12-ஆம் வகுப்பு தோ்வு முடிவு: சிபிஎஸ்இ வெறுப்புப் பேச்சுகளுக்கு எதிரான மனுக்கள்: உச்சநீதிமன்றம் தள்ளுபடி மேற்காசிய போரால் பணவீக்கம் அதிகரிக்கும் அபாயம்: நிதியமைச்சகம் அறிக்கை எத்தனால் கலப்பு விரிவாக்கம்: வாகன விதிமுறைகளில் மத்திய அரசு திருத்தம் கேரளம்: மாநிலம் முழுவதும் அறிவிக்கப்படாத தொடா் மின் வெட்டு; பல இடங்களில் வெடித்த போராட்டம்
/

நாட்டின் ஏற்றுமதி 43% அதிகரிப்பு

இந்தியாவின் ஏற்றுமதி கடந்த அக்டோபா் மாதத்தில் 43 சதவீதம் அதிகரித்துள்ளது.

News image

கச்சா எண்ணெய் மற்றும் தங்கம் இறக்குமதி கணிசமாக அதிகரித்ததையடுத்து நடப்பாண்டு செப்டம்பரில் நாட்டின் வா்த்தக பற்றாக்குறை 2,259 கோடி டாலராக வரலாறு காணாத அளவுக்கு உயா்ந்தது.

Updated On :16 நவம்பர் 2021, 6:59 pm

இந்தியாவின் ஏற்றுமதி கடந்த அக்டோபா் மாதத்தில் 43 சதவீதம் அதிகரித்துள்ளது.

இதுகுறித்து மத்திய அரசு வெளியிட்டுள்ள புள்ளிவிவரத்தில் கூறப்பட்டுள்ளதாவது:

நடப்பாண்டின் அக்டோபா் மாதத்தில் இந்தியாவின் ஏற்றுமதி 43 சதவீதம் அதிகரித்து 3,565 கோடி டாலராக (இந்திய மதிப்பில் சுமாா் ரூ.2.67 லட்சம் கோடி) இருந்தது.

நோ்மறை வளா்ச்சி: அதேசமயம், வா்த்தக பற்றாக்குறையும் 1,973 கோடி டாலராக (ரூ.1.48 லட்சம் கோடி) உயா்ந்துள்ளது.

கடந்த அக்டோபரில், பெட்ரோலியம், காபி, பொறியியல் பொருள்கள், பருத்தி, நவரத்தினங்கள்-ஆபரணங்கள், ரசாயன பிளாஸ்டிக், கடல் உணவுப் பொருள்கள் உள்ளிட்டவற்றின் ஏற்றுமதி நோ்மறை வளா்ச்சியைப் பதிவு செய்துள்ளது.

வா்த்தக பற்றாக்குறை: 2021 ஏப்ரல் முதல் அக்டோபா் வரையிலான 7 மாத காலத்தில் ஏற்றுமதி 23,354 கோடி டாலராக இருந்தது. இது, முந்தைய 2020-ஆம் ஆண்டு இதே காலகட்டத்துடன் ஒப்பிடுகையில் 55.13 சதவீத வளா்ச்சியாகும்.

இந்த காலகட்டத்தில், இறக்குமதியும் 78.16 சதவீதம் உயா்ந்து 33,139 கோடி டாலரானது. இதையடுத்து, வா்த்தக பற்றாக்குறை 9,785 கோடி டாலராக காணப்பட்டது.

தங்கம் இறக்குமதி: கடந்த அக்டோபரில் கச்சா எண்ணெய் இறக்குமதி முந்தைய ஆண்டின் இதே மாதத்துடன் ஒப்பிடுகையில் 600 கோடி டாலரிலிருந்து 1,443 கோடி டாலராக உயா்ந்துள்ளது. 2021 ஏப்ரல்-அக்டோபா் காலகட்டத்தில் இதன் இறக்குமதி 8,742 கோடி டாலராக காணப்பட்டது.

அதேபோன்று, தங்கத்தின் இறக்குமதியும் 250 கோடி டாலரிலிருந்து இரண்டு மடங்கு உயா்ந்து 510 கோடி டாலரை எட்டியது.

பொறியியல் பொருள்கள்: 2021 அக்டோபரில் ஒட்டுமொத்த ஏற்றுமதியில் பொறியியல் பொருள்களின் பங்களிப்பு 28.19 சதவீதமாக இருந்தது. இதன் ஏற்றுமதி 51 சதவீதம் அதிகரித்து 940 கோடி டாலரானது. பெட்ரோலிய பொருள்களின் ஏற்றுமதியும் 533 கோடி டாலரைத் தொட்டது.

ஆபரணங்கள்: இவைதவிர, நவரத்தினங்கள் மற்றும் ஆபரணங்கள் ஏற்றுமதி அக்டோபரில் 44.24 சதவீதம் உயா்ந்து 422 கோடி டாலராக இருந்தது என அந்தப் புள்ளிவிவரத்தில் தெரிவிக்கப்பட்டுள்ளது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.