பங்குச் சந்தையில் ‘கரடி’ ஆட்டம்: சென்செக்ஸ் 1159 புள்ளிகள் சரிவு!

பங்குச் சந்தையில் வியாழக்கிழமை கரடியின் ஆதிக்கம் தலைதூக்கியதால், கடும் சரிவு ஏற்பட்டது. இதனால், மும்பை பங்குச் சந்தைக் குறியீட்டு எண்ணான சென்செக்ஸ் 1, 159 புள்ளிகளை இழந்து 59,984.70-இல் நிலைபெற்றது. ஒரே நாளில் சந்தை மதிப்பு 4.83 லட்சம் கோடியை இழந்தது. இதேபோன்று, தேசிய பங்குச் சந்தைக் குறியீட்டு எண்ணான நிஃப்டி 354 புள்ளிகளை இழந்து 17,857.25-இல் நிலைபெற்றது.

உலகளாவிய சந்தைக் குறிப்புகள் பலவீனமாக இருந்தன. மேலும், முன்பேர வா்த்தகத்தில் கணக்கு முடிக்க கடைசி நாளாக இருந்ததால் எதிா்பாா்த்தபடி ஏற்றம், இறக்கம் மிகவும் அதிகரித்து காணப்பட்டது. . வங்கி, மெட்டல், ஐடி, நிதி நிறுவனப் பங்குகள் உள்பட அனைத்துத் துறை பங்குகளும் அதிகம் விற்பனையை எதிா்கொண்டன. இதனால், முக்கிய துறை குறியீடுகள் கடும் சரிவைச் சந்தித்தன. குறிப்பாக நிஃப்டி பிஎஸ்யு பேங்க் குறியீடு 5 சதவீதத்துக்கும் மேலே சரிவைச் சந்தித்தது. அண்மையில் தொடா்ந்து உச்சம் கண்ட சந்தையில் திடீா் சரிவு தவிா்க்கமுடியாததாகிவிட்டது என்று பங்கு வா்த்தகத் தரகு நிறுவனங்கள் தெரிவித்தன.

சந்தை மதிப்பு 4.83 லட்சம் கோடி இழப்பு: பங்குச் சந்தையில் மொத்தம் வா்த்தகமான 3,405 பங்குகளில் 985 பங்குகள் மட்டுமே ஆதாயம் பெற்றன. 2,295 பங்குகள் சரிவைச் சந்தித்தன. 125 பங்குகள் மாற்றமின்றி நிலைபெற்றன. 166 பங்குகள் புதிய 52 வார அதிகபட்ச விலையையும், 40 பங்குகள் குறைந்தபட்ச விலையையும் பதிவு செய்தன. மேலும், 259 பங்குகள் வெகுவாக உயா்ந்து உயா்ந்தபட்ச உறை நிலையையும், 255 பங்குகள் வெகுவாகக் குறைந்து, குறைந்தபட்ச உறை நிலையையும் பதிவு செய்தன. சந்தை மூலதன மதிப்பு ரூ.4.83 லட்சம் கோடி குறைந்து வா்த்தக முடிவில் ரூ.260.48 லட்சம் கோடியாக இருந்தது. பதிவு பெற்றுள்ள முதலீட்டாளா்களின் எண்ணிக்கை 8,45,76,855-ஆக உயா்ந்துள்ளது.

கடும் சரிவு: சென்செக்ஸ் காலையில் பலவீனத்துடன் 62.33 புள்ளிகள் குறைந்து 61,081.00-இல் தொடங்கி அதற்கு மேல் ஏற்றம் பெறவில்லை. பின்னா், 59,777.58 வரை கீழே சென்ற சென்செக்ஸ், இறுதியில் 1,158.63 புள்ளிகளை (1.89 சதவீதம்) இழந்து 59,984.70-இல் நிலைபெற்றது. நாள் முழுவதும் சந்தையில் கரடியின் ஆதிக்கம் தலை தூக்கியிருந்தது.

இண்டஸ் இண்ட் பேங்க் முன்னேற்றம்: சென்செக்ஸ் பட்டியலில் மொத்தமுள்ள 30 முதல் தரப் பங்குகளில் 6 பங்குகள் மட்டுமே ஆதாயம் பெற்றன. 24 பங்குகள் சரிவைச் சந்தித்தன. பிரபல தனியாா் வங்கியான இண்டஸ் இண்ட் பேங்க் 2.94 சதவீதம் உயா்ந்து ஆதாயப் பட்டியலில் முன்னிலை வகித்தது. மேலும், எல் அண்ட் டி, அல்ட்ரா டெக் சிமெண்ட், ஏசியன் பெயிண்ட், மாருதி சுஸுகி, பஜாஜ் ஃபைனான்ஸ் உள்ளிட்டவையும் ஆதாயப் பட்டியலில் வந்தன.

ஐடிசி கடும் சரிவு: அதே சமயம், பிரபல நுகா்பொருள் உற்பத்தி நிறுவனமான ஐடிசி 5.54 சதவீதம், ஐசிஐசிஐ பேங்க் 4.39 சதவீதம் குறைந்து வீழ்ச்சிப் பட்டியலில் முன்னிலை வகித்தன. இவற்றுக்கு அடுத்ததாக, கோட்டக் பேங்க், ஆக்ஸிஸ் பேங்க், டைட்டன், எஸ்பிஐ, எச்டிஎஃப்சி பேங்க், என்டிபிசி, டெக் மஹிந்திரா, சன்பாா்மா, பஜாஜ் ஆட்டோ உள்ளிட்ட 2 முதல் 4 சதவீதம் வரை சரிவைக் கண்டன. மேலும், பாா்தி ஏா்டெல், ஹெச்சிஎல் டெக், டிசிஎஸ், இன்ஃபோஸிஸ், ரிலையன்ஸ், எச்டிஎஃப்சி உள்ளிட்ட முன்னணி நிறுவனப் பங்குகளும் வீழ்ச்சியைச் சந்தித்தன.

நிஃப்டி 354 புள்ளிகள் சரிவு: தேசிய பங்குச் சந்தையில் மொத்தம் 356 பங்குகள் மட்டுமே ஆதாயம் பெற்றன. 1,480 பங்குகள் வீழ்ச்சியைச் சந்தித்தன. 50 முதல் தரப் பங்குகளை உள்ளடக்கிய நிஃப்டி குறியீடு காலையில் பலவீனத்துடன் 18,187.65-இல் தொடங்கி அதிகபட்சமாக 18,190.70 வரை உயா்ந்தது. பின்னா், 17,799.45 வரை கீழே சென்ற நிஃப்டி, இறுதியில் 353.70 புள்ளிகளை (1.94 சதவீதம்) இழந்து 17,857.25-இல் நிலைபெற்றது.

பிஎஸ்யு பேங்க் குறியீடு 5 சதவீதம் வீழ்ச்சி: துறைவாரியாகப் பாா்த்தால், அனைத்துத் துறை குறியீடுகளும் சரிவைச் சந்தித்த பட்டியலில் வந்தன. இதில் பிஎஸ்யு பேங்க் குறியீடு 5.22 சதவீதம் குறைந்து வீழ்ச்சிப் பட்டியலில் முன்னிலை வகித்தது. நிஃப்டி பேங்க், பைனான்சியல் சா்வீஸஸ், மீடியா, மெட்டல், பாா்மா, ரியால்ட்டி, ஆயில் அண்ட் காஸ் குறியீடுகள் 2 முதல் 3.50 சதவீதம் வரை சரிவைச் சந்தித்தன. மேலும், எஃப்எம்சிஜி, ஐடி, ஹெல்த் கோ், கன்ஸ்யூமா் டியூரபல்ஸ் 1.50 முதல் 2 சதவீதம் வரை வீழ்ச்சி கண்டன.