ராயல் என்ஃபீல்டு நிறுவனத்தின் பைக் விற்பனை மாா்ச் மாதத்தில் 2.45 சதவீதம் அதிகரித்துள்ளது.
இதுகுறித்து அந்த நிறுவனம் சனிக்கிழமை வெளியிட்ட அறிக்கையில் தெரிவித்துள்ளதாவது:
நிகழாண்டு மாா்ச் மாதத்தில் நிறுவனம் 67,677 மோட்டாா்சைக்கிள்களை விற்பனை செய்துள்ளது. இது, கடந்த 2021-ஆம் ஆண்டு மாா்ச் மாதத்தில் நிறுவனம் விற்பனை செய்த 66,058 பைக்குகளோடு ஒப்பிடுகையில் 2.45 சதவீதம் அதிகம்.
இருப்பினும், உள்நாட்டில் நிறுவனத்தின் பைக் விற்பனை 60,173 என்ற எண்ணிக்கையிலிருந்து 3 சதவீதம் குறைந்து 58,477-ஆனது. ஆனால், ஏற்றுமதி 56 சதவீதம் உயா்ந்து 5,885-லிருந்து 9,200-ஆக ஏற்றம் கண்டது என ராயல் என்ஃபீல்டு தெரிவித்துள்ளது.