மாருதி சுஸூகியின் புத்தம் புதிய எக்ஸ்எல் 6 காா் அறிமுகம்

இந்தியாவின் முன்னணி காா் தயாரிப்பாளரான மாருதி சுஸூகி நிறுவனம், தனது பல்நோக்கு வாகனமான (எம்பிவி) எக்ஸ்எல்6-இன் புத்தம் புதிய ரகத்தை அறிமுகப்படுத்தியுள்ளது.

இதுகுறித்து தகவலறிந்த வட்டாரங்கள் கூறியதாவது:

ரூ.11.29 லட்சம் முதல், ரூ.14.55 லட்சம் வரையிலான காட்சியக விலைகளில் புத்தம் புதிய எக்ஸ்எல்6 ரகக் காா்களை மாருதி சுஸூகி அறிமுகப்படுத்தியுள்ளது.

ஸீட்டா, ஆல்ஃபா, ஆல்ஃபா பிளஸ் என்று மூன்று பிரிவுகளில் புதிய எக்ஸ்எல்6 காா்கள் கிடைக்கும். இந்தக் காா்களின் புற மற்றும் உள் தோற்றத்தில் ஓரளவு மாற்றங்கள் செய்யப்பட்டுள்ளன. மேம்படுத்தப்பட்ட முன்பக்க கிரில், புதிய அலாய் வீல்கள் போன்றவை அந்த மாற்றங்களில் அடங்கும்.

காரின் உள்புறம் 360 டிகிரி கோண கேமரா, 4 ஏா் பேகுகள் ஆகியவை இடம் பெற்றுள்ளன. புதிய எக்ஸ்எல்6 காா்களில் 6-வேக தானியங்கி கியா் பாக்ஸுகள் பொருத்தப்பட்டுள்ளன என்று தகவலறிந்த வட்டாரங்கள் தெரிவித்தன.