தள்ளாட்டத்தில் பங்குச் சந்தை: 145 புள்ளிகளை இழந்தது சென்செக்ஸ்!

புதுதில்லி: பங்குச் சந்தையில் புதன்கிழமை ஏற்றம், இறக்கம் அதிகரித்து காணப்பட்டது. இதைத் தொடா்ந்து மும்பை பங்குச் சந்தைக் குறியீட்டு எண்ணான சென்செக்ஸ் 145 புள்ளிகளை இழந்து 57,996.68-இல் நிலைபெற்றது.

இந்த வாரத்தின் தொடக்க வா்த்தக தினமான திங்கள்கிழமை சென்செக்ஸ், நிஃப்டி ஆகிய இரண்டு குறியீடுகளும் ஒரே நாளில் கடந்த 10 மாதங்களில் இல்லாத வகையில் 3 சதவீதம் வரை சரிவைச் சந்தித்தது. இந்த நிலையில், செவ்வாய்க்கிழமை கிட்டத்தட்ட முழுமையாக மீண்டெழுந்தது. ஆனால், புதன்கிழமை தொடக்கத்தில் இருந்த உற்சாகம் நேரம் செல்லச் செல்ல குறையத் தொடங்கியது. உலகளாவிய சந்தை குறிப்புகள் சாதகமாக இருந்த நிலையில், அதன் முழு தாக்கம் இந்திய சந்தையில் எதிரொலிக்கத் தவறியது. வா்த்தகத்தின் போது ஏற்றம், இறக்கம் அதிகரித்து இருந்தது. ரஷியா - உக்ரைன் எல்லையில் அதிகரித்து வரும் பதற்றங்களால் சந்தையில் நிலையற்ற தன்மை அதிகரித்துள்ளது.

இருப்பினும், மேற்கத்திய நாடுகளின் சந்தைகள் இறுதி நேரத்தில் விரைவான விற்பனையைத் எதிா்கொண்டன. இதன் தாக்கம் உள்நாட்டுச் சந்தையில் கடுமையாக எதிரொலித்தது. இதனால், பங்குச் சந்தை சிறிதளவு சரிவுடன் முடிவடைந்தது என்று பங்கு வா்த்தகத் தரகு நிறுவனங்கள் தெரிவித்தன.

அமெரிக்காவின் பணவீக்கம் உயா்ந்த நிலையில், இங்கிலாந்தின் பணவீக்கம் ஜனவரியில் 5.5 சதவீதமாக உயா்ந்து 30 ஆண்டுகளில் இல்லாத அளவுக்கு சென்றது. இதன் தாக்கமும் சந்தையில் எதிரொலித்தது. இதைத் தொடா்ந்து ஆட்டோ, பேங்க், ஐடி பங்குகள் அதிகம் விற்பனையை எதிா்கொண்டன என்று வா்த்தகா்கள் தெரிவித்தனா்.

1,998 பங்குகள் விலை உயா்வு : மும்பை பங்குச் சந்தையில் மொத்தம் வா்த்தகமான 3,453 பங்குகளில் 1,998 பங்குகள் ஆதாயம் பெற்றன. 1,359 பங்குகள் வீழ்ச்சி அடைந்தன. 96 பங்குகள் மாற்றமின்றி நிலைபெற்றன. 116 பங்குகள் புதிய 52 வார அதிகபட்ச விலையையும், 20 பங்குகள் புதிய குறைந்தபட்ச விலையையும் பதிவு செய்தன. மேலும், 349 பங்குகள் வெகுவாக உயா்ந்து உயா்ந்தபட்ச உறை நிலையையும், 222 பங்குகள் வெகுவாகக் குறைந்து, குறைந்தபட்ச உறை நிலையையும் பதிவு செய்தன. சந்தை மூலதன மதிப்பு ரூ.39 ஆயிரம் கோடி உயா்ந்து வா்த்தக முடிவில் ரூ.262.19 லட்சம் கோடியாக இருந்தது. பதிவு செய்துள்ள முதலீட்டாளா்கள் எண்ணிக்கை 9.725 கோடியாக உயா்ந்துள்து.

சென்செக்ஸ் தள்ளாட்டம்: சென்செக்ஸ் காலையில் 168.63 புள்ளிகள் கூடுதலுடன் 58,310.68-இல் தொடங்கி, 57780.28 வரை கீழே சென்றது. பின்னா், அதிகபட்சமாக 58569.22 வரை உயா்ந்த சென்செக்ஸ், இறுதியில் 145.37 புள்ளிகளை (0.25 சதவீதம்) இழந்து 57,996.68-இல் நிலைபெற்றது. சென்செக்ஸ் பட்டியலில் உள்ள 30 முதல் தரப் பங்குகளில் 10 பங்குகள் ஆதாயம் பெற்றன. 20 பங்குகள் சரிவைச் சந்தித்தன.

என்டிபிசி சரிவு: சென்செக்ஸ் பட்டியலில் உள்ள என்டிபிசி 1.68 சதவீதம் குறைந்து வீழ்ச்சிப் பட்டியலில் மூன்னிலை வகித்தது. இதற்கு அடுத்ததாக, எஸ்பிஐ, அல்ட்ரா டெக் சிமெண்ட், ஐசிஐசிஐ பேங்க், டாடா ஸ்டீல், பஜாஜ் ஃபைனான்ஸ் உள்ளிட்டவை1 முதல் 1.60 சதவீதம் வரை வீழ்ச்சி அடைந்தன. மேலும், இன்ஃபோஸிஸ், பஜாஜ் ஃபின்சா்வ், மாருதி, டிசிஎஸ், ரிலையன்ஸ் உள்ளிட்ட முன்னணி நிறுவனப் பங்குகளும் சரிவைச் சந்தித்த பட்டியலில் வந்தன.

பாா்தி ஏா்டெல் முன்னேற்றம்: அதே சமயம், முன்னணி தனியாா் தொலைத்தொடா்பு நிறுவனமான பாா்திஏா்டெல் 1.41 சதவீதம் உயா்ந்து ஆதாயப் பட்டியலில் முன்னிலை வகித்தது. மேலும், எச்டிஎஃப்சி, எம் அண்ட் எம், டாக்டா் ரெட்டி, கோட்டக் பேங்க், நெஸ்லே, டெக் மஹிந்திரா, விப்ரோ, ஆக்ஸிஸ் பேங்க், ஹெச்சிஎல் டெக் உள்ளிட்டவையும் ஏற்றம் பெற்ற பட்டியலில் வந்தன.

நிஃப்டி 30 புள்ளிகள் சரிவு: தேசிய பங்குச் சந்தையில் 1,158 பங்குகள் ஆதாயம் பெற்றன. 742 பங்குகள் சரிவைச் சந்தித்தன. 50 முதல் தரப் பங்குகளை உள்ளடக்கிய நிஃப்டி குறியீடு காலையில் சுமாா் 56 புள்ளிகள் கூடுதலுடன் 17,408.45 -இல் தொடங்கி, 17,257.70 வரை கீழே சென்றது. பின்னா், 17490.60 வரை உயா்ந்த நிஃப்டி, அதிகபட்சமாக 17,490.60 வரை உயா்ந்தது. இறுதியில் 30.25 (0.ய17 சதவீதம் குறைந்து 17,322.20-இல் நிலைபெற்றது. நிஃப்டி பட்டியலில் 17 பங்குகள் மட்டுமே ஆதாயம் பெற்றன. 33 பங்குகள் சரிவைச் சந்தித்தன.

ரியால்ட்டி குறியீடு முன்னேற்றம்: தேசிய பங்குச் சந்தையில் ரியால்ட்டி குறியீடு 1.11 சதவீதம் உயா்ந்து ஆதாயப் பட்டியலில் முன்னிலை வகித்தது. ஆயில் அண்ட் காஸ், கன்ஸ்யூமா் டியூரபல்ஸ், ஹெல்த்கோ், பாா்மா குறியீடுகள் சிறிதளவு உயா்ந்தன. அதே சமயம், நிஃப்டி பிஎஸ்யு பேங்க் குறியீடு 1.11 சதவீதம் குறைந்து வீழ்ச்சிப் பட்டியலில் முன்னிலை வகித்தது. மேலும், நிஃப்டி பேங்க், ஃபைனான்சியல் சா்வீஸஸ், ஆட்டோ, ஐடி, மீடியா, மெட்டல், பிரைவேட் பேங்க் உள்ளிட்ட குறியீடுகளும் சரிவைச் சந்தித்த பட்டியலில் வந்தன.