அசோக் லேலண்டின் 84% விற்பனை வளா்ச்சி

முன்னணி வா்த்தக வாகன தயாரிப்பு நிறுவனனங்களில் ஒன்றான அசோக் லேலண்ட், தனது செப்டம்பா் மாத மொத்த விற்பனையில் 84 சதவீதம் வளா்ச்சியைக் கண்டுள்ளது.

இது குறித்து நிறுவனம் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:

கடந்த செப்டம்பா் மாதத்தில் நிறுவனத்தின் மொத்த விற்பனை 17,549-ஆக உள்ளது. கடந்த ஆண்டு இதே மாதத்திய மொத்த விற்பனையான 9,533-உடன் ஒப்பிடுகையில் இது 84 சதவீத வளா்ச்சியாகும்.

2021 செப்டம்பரில் 8,787-ஆக இருந்த உள்நாட்டு மொத்த விற்பனை கடந்த மாதம் 16,499-ஆக உயா்ந்துள்ளது. இது 88 சதவீத வளா்ச்சியாகும்.

கடந்த செப்டம்பா் மாதத்தில் நிறுவனத்தின் ஏற்றுமதி 1,050-ஆக இருந்தது. முந்தைய ஆண்டின் இதே மாதத்தில் அந்த எண்ணிக்கை 746-ஆக இருந்தது என்று அந்த செய்திக்குறிப்பில் தெரிவிக்கப்பட்டுள்ளது.