ஐ-போன் 14-ல் தொடரும் 'சிம் கார்டு' பிரச்னை: ஆப்பிள் நிறுவனம் பதில்!

ஆப்பிள் நிறுவனத்தின் புதிய அறிமுகமான ஐ-போன் 14 மாடல் செல்போனில் சிம் கார்டு பிரச்னை தொடர்ந்து எழுவது குறித்து ஆப்பிள் நிறுவனம் பதிலளித்துள்ளது. 

அமெரிக்காவை தலைமையிடமாகக் கொண்டு செயல்படும் ஆப்பிள் நிறுவனம் சமீபத்தில் ஐ-போன் 14 வகை செல்லிடப்பேசியை அறிமுகம் செய்தது. 

படிக்க | முன்பு கூகுள், ஆப்பிள் இப்போ அமேசான்! 53 லட்சம் அபராதம் விதித்தது ரஷியா

பலத்த எதிர்பார்ப்புகளுக்கு மத்தியில் ஐ-போன் 14 அறிமுகம் செய்யப்பட்ட நிலையில், அது குறித்து பல்வேறு புகார்களும் எழுந்து வருகின்றன. 

அந்தவகையில் ஐ-போன் 14-ல் 'சிம் கார்டு' (SIM card) செருகுதலில் பிரச்னைகள் ஏற்படுவதாக பயனர்களிடமிருந்து புகார் எழுந்துள்ளது. இந்த புகாரை ஆப்பிள் நிறுவனம் ஒப்புக்கொண்டுள்ளது. ஐ-போன் 14, ஐ-போன் 14 பிளஸ், ஐ-போன் 14 புரோ, ஐ-போன் 14 புரோ மேக்ஸ் ஆகிய மாடல் செல்லிடப்பேசிகளில் சிம் கார்ட் பிரச்னை எழுவதாக புகார்கள் எழுந்துள்ளன.

படிக்க | ஸ்மார்ட்போன்களுக்கு சலுகைகளை அறிவித்தது ஓப்போ! இவ்வளவுதான் விலையா?

சிம் கார்டு செருகும்போது SIM Not Supported என்ற நோடிஃபிகேஷனுடன் செல்லிடப்பேசி செயல்படாமல் நின்றுவிடுவதாக கூறப்படுகிறது. இந்த பிரச்னை விரைவில் சரிசெய்யப்படும் என ஆப்பிள் நிறுவனம் தெரிவித்துள்ளது.