சாம்சங் லாபம் 5% சரிவு

சாம்சங் இந்தியா எலக்ட்ரானிக்ஸ் நிறுவனத்தின் 2022-ஆம் நிதியாண்டுக்கான வரிக்குப் பிந்தைய லாபம் 4.86 சதவீதம் சரிந்துள்ளது.

இது குறித்து நிறுவனத்தின் புள்ளிவிவரங்கள் தெரிவிப்பதாவது:

கடந்த 2022-ஆம் நிதியாண்டில் நிறுவனத்தின் வரிக்குப் பிந்தைய லாபம் ரூ.3,844.40 கோடியாக இருந்தது.

அதற்கு முந்தைய நிதியாண்டில் நிறுவனம் ரூ.4,040.80 கோடியை வரிக்குப் பிந்தைய லாபமாக ஈட்டியிருந்தது. அதனுடன் ஒப்பிடுகையில் கடந்த நிதியாண்டில் அது 4.86 சதவீதம் சரிந்துள்ளது.

நிறுவனத்தின் செயல்பாட்டு வருவாய் கடந்த நிதியாண்டில் 8.65 சதவீதம் அதிகரித்து ரூ.82,451.60 கோடியாக உள்ளது. 2021-ஆம் ஆண்டு மாா்ச் 31-ஆம் தேதியுடன் நிறைவடைந்த நிதியாண்டில் அது ரூ.75,886.30 கோடியாக இருந்தது என்று அந்த அறிக்கையில் தெரிவிக்கப்பட்டுள்ளது.