புதுதில்லி: உஜ்ஜீவன் ஸ்மால் பைனான்ஸ் வங்கியின் நிகர லாபம் ஜூன் காலாண்டில், 60 சதவீதம் அதிகரித்து ரூ.324 கோடி உள்ளது.
கடந்த நிதியாண்டின் இதே காலகட்டத்தில் வங்கியின் நிகர லாபம் ரூ.203 கோடியாக இருந்தது.
நடப்பு நிதியாண்டின் முதல் காலாண்டில் மொத்த வருவாய் ரூ.1,030 கோடியிலிருந்து அதிகரித்து ரூ.1,464 கோடியானது. அதே வேளையில் வங்கியின் வட்டி வருவாய் ரூ.905 கோடியிலிருந்து அதிகரித்து ரூ.1,287 கோடியாக உள்ளது. வங்கியின் நிகர வட்டி வருமானம் 32 சதவிகிதம் அதிகரித்து ரூ.793 கோடியாக உள்ளது என்று உஜ்ஜீவன் ஸ்மால் பைனான்ஸ் வங்கி தெரிவித்துள்ளது.
வங்கியின் மொத்த வாராக் கடன் 2023 ஜூன் மாதத்திற்குள் மொத்த முன்பணத்தில் 6.51 சதவீதத்திலிருந்து 2.62 சதவீதமாகக் குறைந்துள்ளது. நிகர வாராக் கடன் விகிதமும் அதே வேளையில் 0.11 சதவீதத்திலிருந்து 0.06 சதவீதமாகக் குறைந்துள்ளது.