அசோக் லேலண்டின் விற்பனை 12,974

ஹிந்துஜா குழுமத்தின் முதன்மை நிறுவனமான அசோக் லேலண்ட், கடந்த ஏப்ரல் மாதத்தில் 12,974 வாகனங்களை விற்பனை செய்துள்ளது.

இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த ஏப்ரல் மாதத்தில் நிறுவனத்தின் மொத்த விற்பனை 12,974-ஆக பதிவு செய்யப்பட்டுள்ளது.

முந்தைய 2022-ஆம் ஆண்டின் இதே மாதத்துடன் ஒப்பிடுகையில் இது 10 சதவீதம் அதிகமாகும். அப்போது நிறுவனத்தின் மொத்த விற்பனை 11,847-ஆக இருந்தது.

உள்நாட்டுச் சந்தையில் 2022-ஆம் ஆண்டின் ஏப்ரல் மாதத்தில் 11,197 வாகனங்கள் விற்பனை செய்யப்பட்ட நிலையில், அது கடந்த மாதம் 10 சதவீதம் உயா்ந்து 12,366-ஆக இருந்தது.

எனினும், ஏற்றுமதி 650-லிருந்து 608-ஆக குறைந்துள்ளது என்று அந்த அறிக்கையில் குறிப்பிடப்பட்டுள்ளது.