8% வளா்ச்சி கண்ட கோல் இந்தியா உற்பத்தி

கடந்த ஜூன் காலாண்டில் கோல் இந்தியா லிமிடெட் (சிஐஎல்) நிறுவனத்தின் நிலக்கரி உற்பத்தி 8 சதவீத வளா்ச்சியைக் கண்டுள்ளது.

இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:

நடப்பு நிதியாண்டின் முதல் காலாண்டில் நிறுவனம் 18.93 கோடி டன் நிலக்கரி உற்பத்தி செய்தது. இது, முந்தைய நிதியாண்டின் இதே காலாண்டுடன் ஒப்பிடுகையில் 8 சதவீதம் அதிகமாகும்.

2023 ஜூன் காலாண்டைவிட 2024 ஜூன் காலாண்டில் நிறுவனம் 1.38 கோடி டன் அதிகமாக நிலக்கரி உற்பத்தி செய்துள்ளது.

கடந்த ஏப்ரல்-ஜூன் காலாண்டில் நிறுவனத்தின் நிலக்கரி விநியோகம் 6 சதவீதம் உயா்ந்து 19.84 கோடி டன்னாக உள்ளது என்று அந்த அறிக்கையில் குறிப்பிடப்பட்டுள்ளது.

இந்தியாவின் ஒட்டுமொத்த நிலக்கரி உற்பத்தியில் கோல் இந்தியா நிறுவனத்தின் பங்களிப்பு சுமாா் 80 சதவீதம் என்பது குறிப்பிடத்தக்கது.