யூனியன் வங்கி நிகர லாபம் 14% அதிகரிப்பு

கடந்த ஜூன் காலாண்டில் பொதுத் துறையைச் சோ்ந்த யூனியன் வங்கியின் நிகர லாபம் 13.7 சதவீதம் வளா்ச்சியடைந்துள்ளது.

இது குறித்து வங்கி சனிக்கிழமை வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த ஏப்ரல் முதல் ஜூன் வரையிலான நடப்பு நிதியாண்டின் முதல் காலாண்டில் வங்கியின் நிகர லாபம் ரூ. 3,679 கோடியாக உள்ளது.

முந்தைய 2023-24-ஆம் நிதியாண்டின் இதே காலாண்டோடு ஒப்பிடுகையில் இது 13.7 சதவீதம் அதிகம்.

மதிப்பீட்டு மாதத்தில் வங்கியின் நிகர வட்டி வருவாய் 6.5 சதவீதம் அதிகரித்து ரூ.9,412 கோடியாக உள்ளது. நிகர வட்டி வரம்பு 0.13 சதவீதம் குறைந்து 3.05 சதவீதமாக உள்ளது.

கடந்த ஏப்ரல்-ஜூன் காலாண்டில் இதர வருவாய் 15.53 சதவீதம் அதிகரித்து ரூ.4,509 கோடியாக உள்ளது.

இருந்தாலும், முந்தைய ஜனவரி-மாா்ச் காலாண்டுடன் ஒப்பிடும்போது ஏப்ரல்-ஜூன் காலாண்டில் நிகர வட்டி வருவாயும், இதர வருவாயும் குறைந்துள்ளன என்று அந்த அறிக்கையில் குறிப்பிடப்பட்டுள்ளது.